លោកប្រធានរដ្ឋចិន Xi Jinping៖ អ្នកគាំទ្រ អ្នកគាំពារ និងអ្នកជំរុញដ៏មុតមាំសម្រាប់សន្តិភាពនិងវឌ្ឍនភាពពិភពលោក
ឆ្នាំនេះគឺជាខួបទី ៨០ ឆ្នាំនៃជ័យជម្នះលើសង្គ្រាមប្រជាជនចិនប្រឆាំងតទល់នឹងការឈ្លានពានរបស់ជប៉ុន និងជាសង្គ្រាមប្រឆាំងហ្វាស៊ីសពិភពលោក។ ក្នុងសង្គ្រាមដែលមានទ្រង់ទ្រាយធំពុំធ្លាប់មាននោះ អណ្តាតភ្លើងនៃសង្គ្រាមបានរីករាលដាលពាសពេញទ្វីបអាស៊ី អឺរ៉ុប អាហ្វ្រិក និងអូសេអានី ចំនួនកងទ័ពនិងប្រជាជននៃប្រទេសនានាដែលស្លាប់បាត់បង់ជីវិតមានចំនួនបានលើសពី ១០០ លាននាក់។ ការតទល់ប្រយុទ្ធដ៏អង់អាចក្លាហាននិងការលះបង់ដ៏ធំសម្បើមរបស់ប្រជាជនចិនបានដើរតួនាទីជាលក្ខណៈសម្រេចក្នុងការយកឈ្នះលើហ្វាស៊ីសជប៉ុន និងបានផ្តល់ការគាំទ្រជាយុទ្ធសាស្រ្តដល់ប្រទេសសម្ព័ន្ធមិត្តប្រឆាំងហ្វាស៊ីសក្នុងសមរភូមិអឺរ៉ុបនិងប៉ាស៊ីហ្វិក។
លោកប្រធានរដ្ឋចិន Xi Jinping បានរំលឹកឡើងវិញជាច្រើនដងថា ប្រទេសចិនប្រកាន់ខ្ជាប់នូវការដើរតាមផ្លូវអភិវឌ្ឍន៍ដោយសន្តិភាព មិនថាអភិវឌ្ឍដល់កម្រិតណានឹងមិនធ្វើអនុត្តារភាព មិនវាទី មិនស្វែងរកក្របខ័ណ្ឌនៃអំណាច និងមិនធ្វើការប្រកួតប្រជែងខាងសព្វាវុធនោះទេ។ ក្រោមការដឹកនាំរបស់លោកប្រធានរដ្ឋចិន Xi Jinping ប្រទេសចិនបានអនុវត្តយ៉ាងមុតមាំនូវគោលនយោបាយការទូតសន្តិភាពដែលម្ចាស់ការនិងឯករាជ្យ ចូលរួមយ៉ាងសកម្មនូវប្រតិបត្តិការគាំពារសន្តិភាពរបស់អង្គការសហប្រជាជាតិ ពង្រឹងនិងអភិវឌ្ឍដោយឥតឈប់ឈរនូវចំណងមិត្តភាពនិងទំនាក់ទំនងភាពជាដៃគូជាមួយបណ្តាប្រទេសនានា។
បច្ចុប្បន្ន អនុត្តរភាពនិយមននិងគាំពារនិយមបន្តងើបឡើង បញ្ហាប្រឈមនិងភាពមិនប្រាកដប្រជាដែលពិភពលោកប្រឈមបានកើនឡើង។ លោកប្រធានរដ្ឋចិន Xi Jinping បានប្រៀបធៀបពហុភាគីនិយមទៅជាភ្លើងគប់ដែលអាចបំភ្លឺផ្លូវឈានទៅមុខរបស់មនុស្សជាតិដោយគូសបញ្ជាក់យ៉ាងច្បាស់លាស់ថា ត្រូវតែផ្សព្វផ្សាយពហុភាគីនិយម ខ្លឹមសារគន្លឹះរបស់វាគឺ កិច្ចការអន្តរជាតិត្រូវតែពិភាក្សាដោយអ្នកទាំងអស់គ្នា មិនអាចសម្រេចដោយប្រទេសមួយឬប្រទេសមួយចំនួនតិចនោះទេ។
ការសម្រេចសន្តិភាពជានិរន្តរ៍នៃពិភពលោកជាបំណងប្រាថ្នារបស់មនុស្សជាតិ។ លោកប្រធានរដ្ឋចិន Xi Jinping បានពិពណ៌នាការអភិវឌ្ឍន៍ជាចីរភាពថាជា”កូនសោមាស”សម្រាប់ដោះស្រាយបញ្ហាសកលនាពេលបច្ចុប្បន្ន ហើយលោកបានស្នើគំនិតផ្តួចផ្តើម”ខ្សែក្រវាត់និងផ្លូវ” និងគំនិតផ្តួចផ្តើមអភិវឌ្ឍន៍សកល ដើម្បីកសាងស្ពាននៃកិច្ចសហប្រតិបត្តិការយ៉ាងទូលំទូលាយសម្រាប់ជំរុញការអភិវឌ្ឍរួមរបស់ប្រទេសនានា។
បច្ចុប្បន្ន ប្រទេសចិនបានផ្តល់ជំនួយអភិវឌ្ឍន៍ដល់ប្រទេសជាង ១៦០ ចុះហត្ថលេខាលើកិច្ចព្រមព្រៀងសហប្រតិបត្តិការស្តីពីការរួមគ្នាកសាង”ខ្សែក្រវាត់និងផ្លូវ” ជាមួយប្រទេសចំនួនជាង ១៥០ និងអង្គការអន្តរជាតិជាង ៣០ ហើយបានចាត់ទុកការគាំទ្រដល់ការអភិវឌ្ឍនៃប្រទេសសកលខាងត្បូងជាទិសដៅអាទិភាព ដោយបង្កើតមូលនិធិអភិវឌ្ឍសកលនិងកិច្ចសហប្រតិបត្តិការសកលខាងត្បូងដើម្បីជួយដល់ការធ្វើទំនើបកម្មនៃប្រទេសកំពុងអភិវឌ្ឍន៍។
គំនិតផ្តួចផ្តើមស្តីពីការរួមគ្នាកសាង”ខ្សែក្រវាត់និងផ្លូវ” និងគំនិតផ្តួចផ្តើមអភិវឌ្ឍសកល គំនិតផ្តួចផ្តើមសន្តិសុខសកល គំនិតផ្តួចផ្តើមអរិយធម៌សកលដែលលើកឡើងដោយលោកប្រធានរដ្ឋចិន Xi Jinping បានផ្តល់ជាផលិតផលសាធារណៈសកលដ៏សំខាន់សម្រាប់ការកសាងប្រព័ន្ធអភិបាលកិច្ចសកលដែលកាន់តែយុត្តិធម៌និងសច្ចធម៌។
លោក Xi Jinping បានមានប្រសាស្រន៍ថា “រាល់ពេលដែលកម្លាំងរបស់ប្រទេសចិនកើនឡើង ក្តីសង្ឃឹមសម្រាប់សន្តិភាពពិភពលោកក៏កើនឡើងមួយកម្រិតទៀត”៕
