ភ្នំពេញ៖ សម្តេចតេជោ ហ៊ុន សែន បានរកឃើញ ហើយកុមារីលក់ផ្កា ហើយទទួលការចាប់អារម្មណ៍តាមបណ្តាញ សង្គមនោះ ហើយសម្តេចនឹងជួបឪពុកម្តាយរបស់កុមារីរូបនេះនៅថ្ងៃទី២៧ ខែមេសា ឆ្នាំ២០២៥។
តាមរយៈបណ្តាញសង្គមហ្វេស ប៊ុក សម្តេចតេជោ ហ៊ុន សែន បានប្រកាសថា សម្តេចនឹងជួបឪពុកម្តាយរបស់កុមារីរូបនេះនៅថ្ងៃទី២៧ ខែមេសា ឆ្នាំ២០២៥នេះ នៅផ្ទះរបស់សម្តេចតែម្តង។ កុមារីរូបនេះ មានឈ្មោះ ស៊ុន ស្រីតីអាយុ ៤ឆ្នាំ។ សម្តេចតេជោ បានបញ្ជាក់ថា សម្តេចនឹងពិភាក្សាអំពីការរៀបចំគ្រួសារកុមារីរូប។
ជាមួយការប្រកាសដំណឹងរូបឃើញកុមារីខាងលើហើយនោះ សម្តេចតេជោ ហ៊ុន សែន ក៏ឆ្លៀតតបទៅនឹងអ្នកចូលបញ្ចេញមតិយោ បល់ពាក់ព័ន្ធសិទ្ធិកុមារផងដែរ។
សម្តេចតេជោ បានអង្វរអ្នកបញ្ចេញមតិនោះ កុំឱ្យទៅលឿនហួសពី សិទ្ធិរស់រានមានជិវិតដែលផ្តើមចេញពីក្រពះ និងសូមកុំប្រញ៉ាប់វិនិច្ឆ័យ មុនពេលដឹងរឿងពិត ដែលជាការវាយប្រហារលើឪពុកម្តាយចៅស្រីដ៏កម្សត់នេះថែមទៀត។
សម្តេចតេជោ បានរំលឹកថា កាលសម្តេចមានអាយុ ៥ ឬ៦ឆ្នាំ សម្តេច ក៏ធ្លាប់ចុះទឹករកខ្យង ចាប់ត្រី ចាប់ក្តាមឱ្យម៉ែស្លទទួលទាន ដែលនោះជាការលំបាកជាងកុមារីលក់ផ្កានេះទៅទៀត។
សម្តេចតេជោ បានគូសបញ្ជាក់ដោយរំលឹករឿងកុមារភាព របស់ខ្លួនបែបនេះ “រឿងបែបនេះមិនអាចនិយាយថាពលកម្មកុមារ សិទ្ធកុមារ ដោយ បំភ្លេចចោលសិទ្ធិមានចំណីអាហារបានទេ ព្រោះគ្មាន ជម្រើស ព្រោះ ពុក និងបងៗ មិននៅផ្ទះ ម៉ែខ្លាចឈ្លើងមិនហ៊ានចុះទឹក ចំណែក ប្អូន ស្រីៗនៅតូចៗមិនចេះហែលទឹកតម្រូវឱ្យខ្ញុំត្រូវធ្វើដើម្បីក្រពះទាំង ម្តាយ និងកូន៤នាក់។ សិទ្ធរស់រានមានជិវិត ត្រូវតែមានមុនគេ បើ ស្លាប់ ទៅហើយសូមកុំនិយាយពីសិទ្ធិផ្សេងទៀតធ្វើអ្វី”៕
