ឡាអេ៖ យន្តហោះដឹកអតីតប្រធានាធិបតីហ្វីលីពីន លោក Rodrigo Duterte បានមកដល់នៅរសៀលថ្ងៃពុធ នៅព្រលាន Rotterdam The Hague ប្រទេសហូឡង់។
លោក Duterte អាយុ ៧៩ឆ្នាំត្រូវបានឃុំខ្លួននៅព្រឹកថ្ងៃអង្គារ ពេលដែលលោកត្រឡប់មកទីក្រុងម៉ានីលពីបរទេសវិញ បន្ទាប់ពីមានដីកាចាប់ខ្លួនដែលចេញដោយតុលាការឧក្រិដ្ឋកម្មអន្តរជាតិ (ICC) ជុំវិញយុទ្ធនាការសង្គ្រាមប្រឆាំងគ្រឿងញៀន របស់គាត់ ដែលជាទង្វើមួយដែលគាត់បានចោទសួរ។ គាត់បានចាកចេញពីទីក្រុងម៉ានីលទៅកាន់ទីក្រុងឡាអេ ដែលជាផ្ទះរបស់ ICC កាលពីយប់ថ្ងៃអង្គារ។
នៅក្នុងសេចក្តីប្រកាសព័ត៌មានដែលចេញផ្សាយកាលពីថ្ងៃពុធ ICC បានឲ្យដឹងថា លោក Duterte បានចុះចាញ់នឹងការឃុំឃាំងរបស់ខ្លួន។
អនុប្រធានាធិបតីហ្វីលីពីន លោកស្រី Sara Duterte បានចេញដំណើរទៅកាន់ប្រទេសហូឡង់ នៅព្រឹកថ្ងៃពុធ។ លោកស្រីធ្លាប់បានបញ្ជាក់ថា លោកស្រលោកស្រីនឹងទៅជាមួយឪពុករបស់ខ្លួនទៅទីក្រុងឡាអេ ដើម្បីដំណើរការនីតិវិធីរបស់ ICC។
សូមបញ្ជាក់ថា អាកាសយានដ្ឋាន Rotterdam The Hague ស្ថិតនៅភាគពាយព្យនៃទីក្រុង Rotterdam មានចម្ងាយប្រហែល ២០គីឡូម៉ែត្រពីទីក្រុងឡាអេ។
