អភិបាលខេត្តកំពង់ឆ្នាំង ណែនាំឲ្យមន្ទីរជំនាញ និងអាជ្ញាធរមូលដ្ឋាន បន្តអន្តរាគមន៍ជួយសង្គ្រោះស្រូវប្រាំងរបស់ប្រជាកសិករឲ្យបានទាន់ពេលវេលា
ភ្នំពេញ៖ នៅថ្ងៃទី១ ខែកុម្ភៈ ឆ្នាំ២០២៥ ឯកឧត្ដម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង និងក្រុមការងារ រួមជាមួយឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចុះពិនិត្យស្ថានភាពទឹកនៅតាមប្រព័ន្ធធារាសាស្ត្រនានា និងការងារបង្កបង្កើនផលស្រូវប្រាំងរបស់បងប្អូនប្រជាកសិករ នៅក្នុងឃុំកោះថ្កូវ ឃុំពាមឆ្កោក និងឃុំកំពង់អុស ស្រុកជលគីរី។
ឯកឧត្ដមអគ្គលេខាធិការ និងឯកឧត្ដមអភិបាលខេត្ត បានណែនាំឲ្យមន្ទីរជំនាញ ជាពិសេស មន្ទីរធនធានទឹក មន្ទីរកសិកម្ម និងអាជ្ញាធរមូលដ្ឋាន បន្តយកចិត្តទុកដាក់ខ្ពស់ត្រៀមរួមគ្នាអន្តរាគមន៍ជួយសង្គ្រោះស្រូវប្រាំងរបស់ប្រជាកសិករឲ្យបានទាន់ពេលវេលា ៕
