ម្តាយចាក់សោរផ្ទះពីក្រៅ រួចទៅដកស្មៅក្រោយផ្ទះ ជាអកុសលផ្ទុះហ្គាសឆេះផ្ទះ បណ្ដាលឲ្យស្លាប់កូនស្រីអាយុ១២ឆ្នាំ និងកូនប្រុសអាយុ៥ឆ្នាំ
ភ្នំពេញ៖ បើតាមប្រភពព័ត៌មាន គេបាននិយាយថា ម្តាយចាក់សោរផ្ទះពីក្រៅ រួចទៅដកស្មៅក្រោយផ្ទះលក់ចាប់ហួយ មានលក់សាំងនិងកំប៉ុងហ្កាសផងដែរ បណ្តាលឱ្យផ្ទុះឆេះផ្ទះ ស្លាប់កូនស្រីអាយុ១២ឆ្នាំ និងកូនប្រុសអាយុ៥ឆ្នាំ។
បើតាមម្តាយក្មេងៗរងគ្រោះបានឱ្យដឹងថា នៅម៉ោងជាង១០យប់ថ្ងៃទី៣០ មករា ២០២៥ គាត់(ម្តាយក្មេងរងគ្រោះ) បានចាក់សោរពីក្រៅផ្ទះ ទុកកូនទាំងពីរក្នុងផ្ទះ រួចក៏ទៅដកស្មៅក្រោយផ្ទះចម្ងាយប្រហែលជាង១០០ម៉ែត្រ ស្រាប់តែម៉ោង១១យប់ ក៏ឮសំឡេងផ្ទុះហើយភ្លើងឆាបឆេះផ្ទះខ្លាំងតែម្តង មិនអាចជួយបាន។ ហេតុការណ៍អកុសលនេះ បានកើតឡើងនៅក្នុងភូមិអង់ជើងឃុំតាម៉ឺន ស្រុកថ្មគោល ខេត្តបាត់ដំបង ៕
