ភ្នំពេញ៖ លោកជំទាវ ឡោក ខេង ប្រធានគណ:កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា (គណៈកម្មការទី៨ ) ព្រមទាំងឯកឧត្តម លោកជំទាវជាសមាជិក សមាជិកាគណ:កម្មការទី៨ នៃរដ្ឋសភាបានទទួលជួបពិភាក្សាការងារជាមួយលោក Liuse Vinal Torres នាយកអង្គការសុខភាពពិភពលោកប្រចាំតំបន់(WHO) រួមនិងDr.Marianna តំណាងអង្គការសុខភាពពិភពលោកប្រចាំកម្ពុជា។
ជំនួបពិភាក្សានារសៀលថ្ងៃទី២៩ ខែមករា ឆ្នាំ២០២៥នៅវិមានរដ្ឋសភានេះ ផ្តោតទៅលើបញ្ហាសុខភាពដែលជាបញ្ហាចម្បងរបស់មនុស្សគ្រប់រូបនិងជាទ្រព្យសម្បត្តិដ៏មានតម្លៃបំផុត។
អង្គការសុខភាពពិភពលោក (WHO) គឺជាទីភ្នាក់ងារឯកទេសរបស់អង្គការសហប្រជាជាតិ ដែលទទួលខុសត្រូវលើសុខភាពសាធារណៈអន្តរជាតិ។ អាណត្តិផ្លូវការរបស់ WHO គឺលើកកម្ពស់សុខភាព និងសុវត្ថិភាព ខណៈពេលដែលជួយជនងាយរងគ្រោះនៅទូទាំងពិភពលោក៕
