រាជរដ្ឋាភិបាលថៃ និងគណបក្សប្រឆាំង កំពុងផ្ទុះសង្រ្គាមពាក្យសម្តីជុំវិញស្ថានភាពបរិយាកាសកាន់តែអាក្រក់ទៅៗ
បាងកក៖ រាជរដ្ឋាភិបាលថៃ និងគណបក្សប្រឆាំង កំពុងផ្ទុះសង្រ្គាមពាក្យសម្តីជុំ វិញស្ថានភាពបរិយាកាសកាន់តែអាក្រក់ទៅៗ ដែលត្រូវបានគេរំពឹងថា នឹងបន្តរហូតដល់ថ្ងៃសុក្រទី២៤ ខែមករា។
ជម្លោះនេះត្រូវបានចាប់ផ្តើមដោយមេដឹកនាំគណបក្សប្រឆាំង លោក ណាថាផុង រឿងបញ្ញាវុទ្ធ ដែលបានបង្ហោះសារនៅលើគេហទំព័រហ្វេសប៊ុកផ្លូវការរបស់ខ្លួន ដោយជំរុញឱ្យនាយករដ្ឋមន្ត្រី លោកស្រី ផែថងថាន ស៊ីណាវ៉ាត្រា ផ្តល់ឱកាសឱ្យប្រជាជនថៃដកដង្ហើមខ្យល់បរិសុទ្ធ មុនពេលទៅប្រទេសស្វីស ដើម្បីស្វែងរកឱកាសវិនិយោគបន្ថែមទៀតសម្រាប់រាជាណាចក្រក្បែរខាងកម្ពុជាមួយនេះ។
លោកបរិយាយថា៖«ខណៈពេលដែលនាយករដ្ឋមន្រ្តីស្រូបខ្យល់បរិសុទ្ធនៅទីក្រុងដាវ៉ូស ប្រទេសស្វីស ហើយព្យាយាមទាក់ទាញអ្នកវិនិយោគកាន់តែច្រើនមកកាន់ប្រទេសថៃ ក្នុងក្ដីសង្ឃឹមថា នឹងធ្វើឱ្យឆ្នាំនេះក្លាយជាឱកាសសម្រាប់ប្រទេស ប្រជាជនថៃរាប់លាននាក់កំពុងស្រូបខ្យល់បំពុលយ៉ាងខ្លាំងចូលទៅក្នុងខ្លួនរបស់ពួកគេ»។
គួរជម្រាបថា នាយករដ្ឋមន្រ្តីថៃកំពុងស្ថិតនៅទីក្រុងដាវ៉ូស ប្រទេសស្វីស សម្រាប់វេទិកាសេដ្ឋកិច្ចពិភពលោកប្រចាំឆ្នាំ (WEF)។ លោក ណាថាផុង ក៏បានចោទសួរអំពីសមត្ថភាពរបស់លោកស្រី ផែថងថាន ក្នុងការទប់ស្កាត់វិបត្តិកំហាប់ភាគល្អិតនិចល PM2.5 ដោយបញ្ជាក់ថា ការសន្យារបស់រាជរដ្ឋាភិបាលក្នុងការលើកទឹកចិត្តដល់កសិករដាំអំពៅ ដើម្បីកុំឱ្យពួកគេដុតស្លឹកអំពៅនៅពេលប្រមូលផល មិនទាន់ដាក់ជូនគណៈរដ្ឋមន្ត្រីនៅឡើយទេ។
មេបក្សប្រឆាំងរូបនេះបន្តទៀតថា៖«ខ្ញុំ សូម អំពាវ នាវ ដល់ នាយក រដ្ឋមន្ត្រី និង ខុទ្ទកាល័យ ចាត់ ទុក បញ្ហា នេះ ជារឿងចម្បងព្រោះវាកមពុងធ្ងន់ធ្ងរសម្រាប់សុខភាពពលរដ្ឋ ជាពិសេស នាយក រដ្ឋមន្ត្រីគួរតែឈប់គេចមុខពី បញ្ហា នេះទៀតទៅ»។
លោក ណាថាផុង បន្ត ថា រាជរដ្ឋាភិបាល គួរ តែ មាន ការ ប្រាស្រ័យ ទាក់ទង ឱ្យ កាន់ តែ ច្បាស់ ទៅ កាន់ កសិករ ដាំ អំពៅ អំពី ការ លើក ទឹក ចិត្ត ឱ្យ ពួក គេ ប្រមូល ផល ដោយ មិន ដុត ស្លឹក របស់វា មុន រដូវ ប្រមូល ផល។
លោកនិយាយថា សូម្បីតែផ្នែកខ្លះនៃរាជធានីបាងកក ក៏កំពុងរងការប៉ះពាល់ដោយការបំពុលខ្យល់ ដែលបណ្តាលមកពីការដុតកាកសំណល់ក្នុងវិស័យកសិកម្មផងដែរ។
លើសពីនោះ លោក រាយរាប់ ថា៖«រាជរដ្ឋាភិបាលមាន ឧបករណ៍ និង ធនធាន ទាំង អស់ ដើម្បី ធ្វើ ដូច្នេះ តែ ខ្វះ ភាព ច្បាស់ លាស់ អំពី របៀប ដែល ពួក គេ ចង់ ឱ្យ ឧបករណ៍ ទាំង នេះ ត្រូវ បាន ប្រើប្រាស់»។ លោកបន្ថែមថា៖«មុនពេលនាយករដ្ឋមន្ត្រីទៅស្វែងរកឱកាសបន្ថែមទៀត អ្វីដែលយើងត្រូវការ គឺផែនការសកម្មភាពច្បាស់លាស់ និងជាក់ស្តែងពីរាជរដ្ឋាភិបាល»។
ឆ្លើយតបទៅនឹងការលើកឡើងរបស់លោក ណាថាផុង អ្នកនាំពាក្យរាជរដ្ឋាភិបាល លោក ជីរ៉ាយូ ហឿងស៊ូប បានសម្ដែងការភ្ញាក់ផ្អើលចំពោះពាក្យសំដីរបស់មេដឹកនាំបក្សប្រឆាំងរូបនេះ ដោយលើកឡើងថា លោក ណាថាផុង បានដឹងយ៉ាងច្បាស់ថា នាយករដ្ឋមន្ត្រីកំពុងតំណាងឱ្យប្រទេសថៃនៅក្នុងសន្និសីទក្រៅប្រទេស ជួបជាមួយពាណិជ្ជករពិភពលោក និងលើកទឹកចិត្តពួកគេឱ្យមកបណ្តាក់ទុននៅប្រទេសថៃ។
លោក ជីរ៉ាយូ បានកត់សម្គាល់ថា៖«លោក ណាថាផុង ប្រហែលជាចង់រៀនពីរបៀបធ្វើជាមេដឹកនាំបក្សប្រឆាំងដ៏ល្អម្នាក់។ គាត់ប្រហែលជាចង់រៀនពីរបៀបធ្វើដូចជាសុភាពបុរសក្នុងនយោបាយ»។
គួរបញ្ជាក់ថា អភិបាលរាជធានីបាងកក បានស្តីបន្ទោសស្ថានភាពលើខ្យល់អាកាសមិនល្អនៅក្នុងរាជធានី គួបផ្សំនឹងការបំភាយពីការធ្វើចរាចរច្រើនដែលបណ្តាលមកពីកត្តាដូចជាការកកស្ទះកាន់តែខ្លាំងនៅលើផ្លូវខាងក្នុងរាជធានីបាងកក។ រដ្ឋបាលរាជធានីបាងកក នឹងចាប់ផ្តើមហាមឃាត់រថយន្តដឹកទំនិញដែលមិនបានចុះបញ្ជី មិនឱ្យចូលទៅក្នុងតំបន់មានការបំភាយឧស្ម័នតិច។ កាមេរ៉ាសុវត្ថិភាពសរុបចំនួន២៥៩គ្រឿង ដែលបំពាក់ដោយបច្ចេកវិទ្យា AI និងត្រូវប្រើប្រាស់ដើម្បីតាមដានរថយន្តដឹកទំនិញដែលបំពានការហាមឃាត់នេះ។ អ្នក ដែល មិនគោរពតាម នឹង ប្រឈម មុខ នឹង វិធានការ ផ្លូវច្បាប់៕
