ឧត្តមសេនីយ៍ទោ សោម ស៊ុន បន្តនាំយកប្រេងឥន្ធនៈ គ្រឿងឧបភោគបរិភោគ ប្រគល់ជូនកងកម្លាំងចម្រុះការពារទប់ស្កាត់ និងបង្ក្រាបបទល្មើសធនធានធម្មជាតិ ជូនទីបញ្ជាការស្រាលចំនួន ៤ នៅក្នុងភូមិសាស្ត្រស្រុកសណ្តាន់ និងស្រុកសន្ទុក
ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង អនុប្រធានអចិន្ត្រៃយ៍នៃគណៈកម្មការ ការពារទប់ស្កាត់ និងបង្ក្រាបបទល្មើសធនធានធម្មជាតិក្នុងភូមិសាស្ត្រខេត្តកំពង់ធំ នៅថ្ងៃទី១៧ ខែមករា ឆ្នាំ២០២៥ បានដឹកនាំសហការី ទៅសំណេះសំណាលសាកសួរសុខទុក្ខ ប្រគល់ភារកិច្ចសំខាន់ៗមួយចំនួន និងឧបត្ថម្ភស្បៀងអាហារគ្រឿងឧបភោគបរិភោគ ប្រេងឥន្ធនៈ ដែលជាជំនួយឧបត្ថម្ភ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈឯក ឧត្តម វង្សី វិស្សុត ឧបនាយករដ្ឋមន្ត្រី រដ្ឋមន្រ្តីប្រចាំការទីស្ដីការគណៈរដ្ឋមន្រ្តី ឯកឧត្តមនាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរ ភូមិន្ទ មេបញ្ជាការកងទ័ពជើងគោក ជូនដល់កងកម្លាំងចម្រុះនៅទីបញ្ជាការស្រាលទាំង៤គោលដៅ គឺទី១ ទីបញ្ជាការស្រាលតំបន់អូរឃ្មង ទី២ ទីបញ្ជាការស្រាលតំបន់សហគមន៍ប្រេន ស្ថិតក្នុងឃុំសុចិត្រ ស្រុកសណ្តាន់ ទី៣ ទីបញ្ជការស្រាលតំបន់៤៤ និងទី៤ ទីបញ្ជាការស្រាលតំបន់អូរតា ព្រហ្ម ក្នុងភូមិសាស្ត្រឃុំបឹងល្វា ស្រុកសន្ទុក។ ដែលពិធីនេះប្រព្រឹត្តទៅនៅតំបន់ព្រៃសហគមន៍ជាំស្មាច់ ឃុំទំរីង ស្រុកសណ្ដាន់ ខេត្តកំពង់ធំ ។
ឧត្តមសេនីយ៍ទោ សោម ស៊ុន បានថ្លែងអំណរគុណចំពោះកងកម្លាំងចម្រុះទាំងអស់ ដែលបានខិតខំបំពេញភារកិច្ចក្នុងការការ ពារទប់ស្កាត់ និងបង្ក្រាបបទល្មើសធនធានធម្មជាតិ ក្នុងរយៈពេលជាង៨ខែ កន្លងទៅនេះ ទទួលបានលទ្ធផលល្អ ដោយគ្មានការកាប់ទន្ទ្រានជាថ្មីទាំងនៅភូមិសាស្ត្រប៉ែកខាងលេីខេត្ត និងនៅក្នុងតំបន់ព្រៃលិចទឹកប៉ែកខាង ក្រោម ដែលកងកម្លាំងចម្រុះរបស់យើងកំពុងធ្វើសកម្មភាពជាប្រចាំក្នុងពេលកន្លងទៅ និងបច្ចុប្បន្ននេះ យេីងធ្វេីការគ្រប់គ្រងបានទាំងស្រុងដោយគ្មានបទល្មេីសលួចកាប់ទន្ទ្រានជាថ្មីទៀតបានឡេីយ ។
ឧត្តមសេនីយ៍ទោ សោម ស៊ុន បានដាក់បទបញ្ជាដល់ដាច់ខាតដល់កងកម្លាំងចម្រុះទាំងអស់ ត្រូវអនុវត្តយ៉ាងមុឺងម៉ាត់តាមបទបញ្ជារបស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជា ណាចក្រកម្ពុជា ថ្នាក់ដឹកនាំគ្រប់លំដាប់ ថ្នាក់ តាមឋានានុក្រមនៃកងយោធពលខេមរភូមិន្ទ និងឯកឧត្តមអភិបាលខេត្ត កំពង់ធំ ដោយត្រូវប្ដេជ្ញាចិត្តដាច់ខាតក្នុងការ ការពារទប់ស្កាត់ និងបង្ក្រាបឲ្យខាងតែបាននូវរាល់បទល្មើសធនធានធម្មជាតិ ពិសេស ដាច់ខាតមិនឱ្យមានការកាប់បំផ្លាញព្រៃឈើ យកដីធ្វើជាកម្មសិទ្ធិជាថ្មីទៀតបានឡេីយ ចំពោះផ្ទៃដី ដែលក្រុមជនល្មើសបានលួចកាប់ទន្ទ្រាននាពេលកន្លងមក ត្រូវធ្វើការគ្រប់គ្រងឲ្យបានម៉ត់ចត់ទុកជាសម្បត្តិរស់រដ្ឋ ដើម្បីសមត្ថកិច្ចជំនាញកសាងសំណុំរឿងបញ្ជូនទៅកាន់តុលាការផ្ដន្ទាទោសតាមច្បាប់ ដោយគ្មានការលើកលែងឡើយ។
នៅក្នុងឱកាសនេះ ឧត្តមសេនីយ៍ទោ សោម ស៊ុន បានប្រគល់ប្រេងសាំងចំនួន ៩០០លីត្រ អង្ករចំនួន៤០០គីឡូក្រាម ត្រីខចំនួន២០យួរ ទឹកត្រីទឹកស៊ីអ៊ីវចំនួ២០យួរ និងទឹកស្អាតចំនួន ២០០ យួរ ដែលជាអំណោយរបស់សម្ដេចមហាបវរធិបតី ហ៊ុន ម៉ាណែត តាមរយៈ ឯកឧត្តម វង្សី វិស្សុត ឧបនាយករដ្ឋមន្ត្រី រដ្ឋមន្រ្តីប្រចាំការទីស្ដីការគណៈរដ្ឋមន្រ្តី ឯកឧត្តមនាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរ ភូមិន្ទ មេបញ្ជាការកងទ័ពជើងគោក និងឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ ជូនដល់កងកម្លាំងចម្រុះនៅទីបញ្ជាការស្រាលទាំង៤គោលដៅដេីម្បីបម្រើសកម្មភាពប្រចាំថ្ងៃក្នុងបេសកកម្មដ៍៏មានសារៈសំខាន់នេះផងដែរ ៕
