ឧបនាយករដ្ឋមន្ត្រី សាយ សំអាល់ អញ្ជើញក្នុងសិក្ខាសាលាពិគ្រោះយោបល់ “គោលនយោបាយជាតិស្តីពីការលើក កម្ពស់ការប្រើ ប្រាស់សម្ភារៈសំណង់ក្នុងឧស្សា ហកម្ម គ្រឿងផ្គុំសំណង់ប្រកប ដោយសុវត្ថិភាព និងលិខិតបទដ្ឋានគតិយុត្ត ក្នុងវិស័យសំណង់”
ភ្នំពេញ៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានអញ្ជើញក្នុងសិក្ខាសាលាពិគ្រោះយោបល់ “គោលនយោបាយជាតិស្តីពីការលើក កម្ពស់ការប្រើ ប្រាស់សម្ភារៈសំណង់ក្នុងឧស្សា ហកម្ម គ្រឿងផ្គុំសំណង់ប្រកប ដោយសុវត្ថិភាព និងលិខិតបទដ្ឋានគតិយុត្ត ក្នុងវិស័យសំណង់”កាល ពីរសៀលថ្ងៃទី១០ ខែមករា ឆ្នាំ២០២៥ ។
ឯកឧត្តមឧបនាយករដ្ឋមន្ត្រី សាយ សំអាល់ បានទាញ អារម្មណ៍ប្រជាពលរដ្ឋឱ្យពិចារណា អំពីការប្រើប្រាស់ឱ្យអស់លទ្ធភាព នូវ គ្រឿងបង្គុំសំណង់ដែលមានស្រាប់ នៅ ក្នុងស្រុក និងត្រូវដឹងអំពីប្រភេទនៃ គ្រឿងបង្គុំ សំណង់ដែលត្រូវប្រើប្រាស់សម្រាប់ការសាងសង់។
លើការងារនេះដែរឯកឧត្តមរដ្ឋមន្រ្តីបានណែនាំថា ត្រូវរួមគ្នារិះរកគោលនយោ បាយ និងវិធានការដើម្បីគ្រប់គ្រងថែរក្សា ធនធាន ដែលជាគ្រឿងបង្គុំសំណង់ ទាំងនោះឱ្យបានល្អ និងមាននិរន្តរភាពជាប្រយោជន៍ប្រើ ប្រាស់ក្នុងវិស័យសំណង់ សម្រាប់ ជំនាន់នេះ និងជំនាន់ក្រោយៗទៀត ។
ឯកឧត្តម សាយ សំអាល់ បញ្ជាក់បន្ថែមថា ឯកឧត្ដមមានបំណងចង់ឃើញវិស័យ សំណង់ គ្រឿងបង្គុំសំណង់ ឧស្សាហកម្ម កម្ចីប្រាក់ រុក្ខជាតិលម្អ គឺជាកន្លែង ដែលប្រជាជនមានការងារធ្វើ មានប្រាក់ចំណូល ហើយសង្ឃឹមថា តាមរយៈនេះ ប្រជាពល រដ្ឋ គ្រប់រូបនៅក្នុងសង្គមជាតិនឹងមានលំនៅឋានរស់នៅសមរម្យ មានម្ហូបអាហារហូបចុកគ្រប់គ្រាន់ មានការងារធ្វើនិងប្រាក់ ចំណូល ហើយកូន ចៅប្រជាពលរដ្ឋបានទទួលការសិក្សាអប់រំគ្រប់ៗគ្នា នោះប្រទេសជាតិនឹងរក្សា បាននូវសុខសន្តិភាព និងការរីកចម្រើនតជំនាន់ ។
សូមជម្រាបថា សិក្ខាសាលាពិគ្រោះយោបល់ “គោលនយោបាយជាតិស្តីពី ការលើកកម្ពស់ការប្រើប្រាស់សម្ភារៈសំណង់ ក្នុងឧស្សាហកម្មគ្រឿងផ្គុំ សំណង់ ប្រកបដោយសុវត្ថិភាព និងលិខិតបទដ្ឋានគតិយុត្ត ក្នុងវិស័យសំណង់” គឺជាការឆ្លើយតប ទៅនឹងគោលនយោបាយ ការកសាង និងពូនជ្រំរដ្ឋបាល សាធារណៈទំនើប ឆ្លាតវៃ និងវាងវៃ របស់ក្រសួងរៀបចំដែនដី នគរូបនីយកម្ម និង សំណង់ និងឆ្លើយតបទៅនឹងគោលនយោបាយអាទិភាពទាំង ៣ចំណុច របស់សម្តេចធិបតីនាយករដ្ឋមន្ត្រី គឺការពង្រឹងសមត្ថភាពមន្ត្រី ,ការពង្រឹងសមត្ថ ភាពស្ថាប័ន និងការលើកកម្ពស់ប្រព័ន្ធលើកទឹកចិត្តដល់មន្ត្រី៕
