វ៉ាស៊ីនតោន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៨ ខែសីហា ឆ្នាំ២០២៤ថា យ៉ាងហោចណាស់ ការវាយប្រហាររបស់អ៊ីស្រាអែលចំនួន ២០លើកនៅតំបន់ហ្គាហ្សា ទំនងជាឧក្រិដ្ឋកម្មសង្គ្រាម ជាមួយនឹងអាវុធដែលផ្គត់ផ្គង់ដោយសហរដ្ឋអាមេរិក ពាក់ព័ន្ធ។
យោធាអ៊ីស្រាអែលបានប្រើប្រាស់អាវុធរបស់សហរដ្ឋអាមេរិកសម្រាប់ការវាយប្រហារលើជំរុំជនភៀសខ្លួន សាលារៀន និងមន្ទីរពេទ្យ ហើយនៅក្នុងការវាយប្រហារមិនសមាមាត្រលើគោលដៅយោធា ដែលស្ទើរតែទាំងអស់ពិតជាបំពានលើច្បាប់មនុស្សធម៌អន្តរជាតិ ហើយបានបណ្តាលឱ្យជនស៊ីវិលស្លាប់បាត់បង់ជីវិតយ៉ាងច្រើន នេះបើយោងតាមរបាយការណ៍ស្រាវជ្រាវដែលបានចេញផ្សាយកាលពីថ្ងៃចន្ទ។
ការស្រាវជ្រាវបានបង្ហាញថា អ៊ីស្រាអែលពឹងផ្អែកលើអាវុធរបស់សហរដ្ឋអាមេរិក ដែលពាក់ព័ន្ធនឹងស្ទើរតែគ្រប់ទិដ្ឋភាពនៃយុទ្ធនាការយោធារបស់អ៊ីស្រាអែល។ អ៊ីស្រាអែលបានប្រើប្រាស់យន្តហោះដែលផលិតដោយសហរដ្ឋអាមេរិកដូចជា F-35, F-16, និង F-15 ដើម្បីទម្លាក់គ្រាប់បែកដែលផលិតដោយសហរដ្ឋអាមេរិករួមទាំង MK-84, MK-83, MK-82 និងគ្រាប់បែកអង្កត់ផ្ចិតតូច ទម្ងន់ ២៥០ផោន។ របាយការណ៍បានឲ្យដឹងថា ដែលអាចត្រូវបានបំពាក់ជាមួយនឹងឧបករណ៍ណែនាំអាវុធបាញ់ផ្ទាល់រួមដែលផលិតដោយសហរដ្ឋអាមេរិក (JDAM)។
គិតត្រឹមថ្ងៃពុធនេះ យោធាអ៊ីស្រាអែលបាននិងកំពុងពង្រីកប្រតិបត្តិការនៅតំបន់ West Bank ខណៈដែលការវាយប្រហាររបស់អ៊ីស្រាអែលនៅតំបន់ Gaza Strip មកទល់ពេលនេះបានឆក់យកជីវិតមនុស្សជាង ៤០,៤០០នាក់ នេះបើយោងតាមអាជ្ញាធរសុខាភិបាលក្នុងតំបន់។ 
