អគ្គនាយកដ្ឋានពន្ធនាគារ អំពាវនាវកុំចាញ់កលក្រុមប្រឆាំងដែលញុះញង់ក្នុងចេតនាបំផ្លាញសន្តិភាព ក្នុងគោលបំណងផ្តួលរំលំ រាជរដ្ឋាភិបាលស្របច្បាប់

ភ្នំពេញ៖ ក្នុងរយៈពេលថ្មីៗនេះ ក្រុមប្រឆាំងជ្រុលនិយមមួយក្ដាប់តូចនៅក្រៅប្រទេស កំពុងធ្វើសកម្មភាពអំពាវនាវ និងបំផុសញុះញង់ឱ្យប្រជាពលរដ្ឋ និងកងកម្លាំងប្រដាប់អាវុធ ធ្វើការបះបោរ ប្រឆាំងនឹងរាជរដ្ឋាភិបាល ក្នុងចេតនាប៉ុនប៉ងបំផ្លិចបំផ្លាញប្រទេសជាតិ ដែលកំពុងមានសន្តិភាព ពេញលេញនិងការអភិវឌ្ឍ។

យើងខ្ញុំទាំងអស់គ្នា ជាថ្នាក់ដឹកនាំ និងមន្ត្រី នៃអគ្គនាយកដ្ឋានពន្ធនាគារ ក្រសួងមហាផ្ទៃ សូម ប្រកាសគាំទ្រយ៉ាងពេញទំហឹង នូវសារសម្លេងពិសេសរបស់ សម្តេចគ្គមហាសនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដែលបានពន្យល់បកស្រាយបន្ថែមអំពីកិច្ចសហប្រតិបត្តិ ការតំបន់ត្រីកោណអភិវឌ្ឍន៍កម្ពុជា ឡាវ និងវៀតណាម (CLV-DTA) ដល់ប្រជាជនកម្ពុជា កាល ពីថ្ងៃទី១២ ខែសីហា ឆ្នាំ២០២៤ និងសូមធ្វើការបញ្ជាក់អំពីគោលជំហរដាច់ខាត ដូចខាងក្រោម៖

១- សូមប្តេជ្ញាគោរព និងអនុវត្តដោយឥតងាករនូវបទបញ្ជាយ៉ាងម៉ឹងម៉ាត់ របស់រាជរដ្ឋាភិបាល ស្របច្បាប់កម្ពុជា ក្រោមការដឹកនាំដោយ សម្ដេចមហាបវរធិបតី ហ៊ុន ណែត នាយករដ្ឋមន្តី ន ព្រះរាជាណាចក្រកម្ពុជា កើតចេញពីការបោះឆ្នោតគាំទ្ររបស់ប្រជាពលរដ្ឋ។

២- ប្តេជ្ញាការពារដាច់ខាតនូវសុខសន្តិភាព ស្ថេរភាពសង្គម សណ្ដាប់ធ្នាប់សាធារណៈ និងសេចក្តីសុខសាន្តរបស់ប្រជាពលរដ្ឋ ជាពិសេសដំណើរការអភិវឌ្ឍន៍ប្រទេសជាតិប្រកបដោយ ចីរភាពមានសុខដុមរមនានៅក្នុងសង្គម និងបានផ្ដល់ឱ្យកម្ពុជាមានការរីកចម្រើនលើគ្រប់វិស័យ។ ៣-យើងទាំងអស់គ្នាសូមអំពាវនាវដល់ជនរួមជាតិ ចាញ់កលក្រុមប្រឆាំងដាច់ខាតនូវ រាល់ឧបាយកលញុះញង់ក្នុងចេតនា បំផ្លាញសន្តិភាព បំផ្លាញជាតិ ក្នុងគោលបំណងផ្តួលរំលំ រាជរដ្ឋាភិបាលស្របច្បាប់៕