មន្ត្រីប៉ាឡេស្ទីន អះអាងថា យ៉ាងហោចណាស់មនុស្ស៣០នាក់ស្លាប់ និងជាង១០០នាក់រងរបួស ក្នុងការវាយប្រហារតាមអាកាសរបស់អ៊ីស្រាអែល ទៅលើសាលារៀនមួយកន្លែងនៅហ្គាហ្សា
បរទេស៖ យ៉ាងហោចណាស់មនុស្ស៣០នាក់បានស្លាប់ និងជាង១០០នាក់បានរងរបួសនៅក្នុងការវាយប្រហារតាមអាកាសរបស់អ៊ីស្រាអែលទៅលើសាលារៀនមួយក្នុងទីក្រុង Deir-al Balah ភាគកណ្តាលហ្គាហ្សា នេះបើយោងតាមក្រសួងសុខាភិបាលប៉ាឡេស្ទីននៅក្នុងតំបន់ហ្គាហ្សា។
យោធាអ៊ីស្រាអែលដែលខ្លួនបានបើកការវាយប្រហារក្នុងគោលបំណងបំផ្លាញទីបញ្ជាការ និងមជ្ឈមណ្ឌលគ្រប់គ្រងរបស់ក្រុមហាម៉ាស់នៅក្នុងបរិវេណនោះ។
ភាគច្រើននៃជនរងគ្រោះពីសាលាមកដល់មន្ទីរពេទ្យ Al-Aqsa Martyrs នៅក្រោយការវាយប្រហារគឺជាស្ត្រី និងកុមារ នេះបើយោងតាមលោកវេជ្ជបណ្ឌិត Khalil Al-Daqran អ្នកនាំពាក្យមន្ទីរពេទ្យ។ ក្រសួងការពារជនស៊ីវិលប៉ាឡេស្ទីនបានឲ្យដឹងថា មនុស្សជម្លៀសជាង ៤,០០០នាក់ត្រូវបានគេដាក់នៅក្នុងសាលារៀន។
ការវាយប្រហារនេះបានកើតឡើងភ្លាមៗបន្ទាប់ពីយោធារបស់អ៊ីស្រាអែលបានចេញបញ្ជាជម្លៀសថ្មីបន្ថែមទៀតនៅភាគខាងត្បូងទីក្រុង Khan Younis ជាកន្លែងដែលអ៊ីស្រាអែលបានចាប់ផ្តើមការវាយលុកថ្មីកាលពីដើមសប្តាហ៍ដែលបានសម្លាប់ប្រជាជនប៉ាឡេស្ទីនរាប់សិបនាក់។
អ្នកស្រុកនៅក្នុងសង្កាត់ភាគខាងត្បូងត្រូវបានគេប្រាប់ឱ្យចាកចេញ បន្ទាប់ពីត្រូវបានព្រមានថាកងកម្លាំងការពារអ៊ីស្រាអែល (IDF) នឹងប្រតិបត្តិការដោយបង្ខំ នៅក្នុងតំបន់នេះ។
ការប្រយុទ្ធគ្នាបានបន្តនៅលើតំបន់ហ្គាហ្សាអស់ជាច្រើនខែ ហើយការវាយលុកជាថ្មីបង្ហាញពីបញ្ហាប្រឈមរបស់អ៊ីស្រាអែលក្នុងការសម្រេចបាននូវគោលដៅរបស់ខ្លួនក្នុងការកម្ចាត់ក្រុមហាម៉ាស។ អ៊ីស្រាអែលបានឲ្យដឹងថា ពួកសកម្មប្រយុទ្ធប្រហែល ១០០នាក់ត្រូវបានសម្លាប់ក្នុងអំឡុងពេលការប្រយុទ្ធនាពេលថ្មីៗនេះ។
អង្គការសហប្រជាជាតិបានប៉ាន់ប្រមាណថាមនុស្សប្រហែល ១៥០,០០០នាក់បានភៀសខ្លួនចេញពី Khan Younis កាលពីថ្ងៃច័ន្ទតែម្នាក់ឯង ដោយបានបង្កើនសម្ពាធលើការផ្គត់ផ្គង់អាហារ និងទឹកតិចតួច និងកន្លែងដើម្បីស្វែងរកទីជំរក។
