យ៉ាងហោចណាស់មនុស្ស ៥នាក់បានស្លាប់ និងរបួស២០នាក់ក្នុងការផ្ទុះឃ្លាំងកាំជ្រួចនៅភាគខាងត្បូងប្រទេសហ្វីលីពីន
ម៉ានីល៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៩ ខែមិថុនា ថា ការផ្ទុះដ៏ខ្លាំងក្លាមួយ បានឆាបឆេះឃ្លាំងស្តុក កាំជ្រួច នៅក្នុងទីក្រុង Zamboanga ភាគខាងត្បូងប្រទេសហ្វីលីពីន កាលពីរសៀលថ្ងៃសៅរ៍ ដោយបានសម្លាប់មនុស្ស៥នាក់ និងរបួសយ៉ាងតិច២០នាក់។
អាជ្ញាធរមូលដ្ឋានបានឲ្យដឹងថា ការបំផ្ទុះនេះបានកើតឡើងភ្លាមៗបន្ទាប់ពីម៉ោង៤រសៀល (ម៉ោងក្នុងស្រុក) បានបង្កើតកាំជះឥទ្ធិពល ១.១៤គីឡូម៉ែត្រ និងខូចខាតផ្ទះ និងគ្រឹះស្ថានពាណិជ្ជកម្មនៅជិតឃ្លាំង។
អភិបាលក្រុងលោក John Dalipe ដែលបានប្រញាប់ប្រញាល់ទៅកាន់កន្លែងបំផ្ទុះនោះ បានបញ្ជាក់ប្រាប់អ្នកសារព័ត៌មានថា មនុស្សប្រាំនាក់បានស្លាប់ ហើយអ្នកជួយសង្គ្រោះបានប្រញាប់ប្រញាល់ ២០នាក់ទៀតទៅកាន់មន្ទីរពេទ្យ។
ការិយាល័យគ្រប់គ្រង និងកាត់បន្ថយហានិភ័យគ្រោះមហន្តរាយទីក្រុងបានរាយបញ្ជីអ្នកជំងឺ ៨នាក់ស្ថិតក្នុងស្ថានភាពធ្ងន់ធ្ងរ។
លោកវរសេនីយ៍ឯក Kimberly Molitas នាយករងនៃប៉ូលីសទីក្រុង Zamboanga បានឲ្យដឹងថា កុមារម្នាក់ក្នុងចំណោមអ្នកស្លាប់ក្នុងគ្រោះថ្នាក់នេះ។
លោកបានប្រាប់អ្នកសារព័ត៌មានថា អ្នកពន្លត់អគ្គីភ័យ និងប៉ូលីសកំពុងស៊ើបអង្កេតមូលហេតុនៃការផ្ទុះនេះ។ 
