ទេសរដ្ឋមន្ត្រី ឱម យ៉ិនទៀង បន្តធ្វើបទឧទ្ទេសនាមលើមុខវិជ្ជា “ការប្រយុទ្ធប្រឆាំងអំពើពុករលួយ និងក្រមសីលធម៌” ជូនកម្មសិក្សាការីនៃសាលាភូមិន្ទរដ្ឋបាល
ភ្នំពេញ៖ នារសៀលថ្ងៃសុក្រ ១២ រោច ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៥ ខែមេសា ឆ្នាំ២០២៤ ក្រុមការងារ នៃអង្គភាពប្រឆាំងអំពើពុករលួយ ដឹកនាំដោយឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ បានបន្តចូលរួមចែករំលែកចំណេះដឹង និងបទពិសោធន៍ លើមុខវិជ្ជា “ការប្រយុទ្ធប្រឆាំងអំពើពុករលួយ និងក្រមសីលធម៌” ជូនកម្មសិក្សាការីនៃវគ្គវិក្រឹតការមន្ត្រីមធ្យម ថ្នាក់គុណភាព ចំនួន ៧៩ នាក់ លើមេរៀនទី២៖ ការប្រឆាំងអំពើពុករលួយនៅកម្ពុជា និងមេរៀនទី៣៖ បទល្មើសពុករលួយ និងទោស។
សូមជម្រាបជូនថា នេះជាសប្តាហ៍ទី២ហើយ ដែលកម្មសិក្សាការីនៃវគ្គវិក្រឹតការមន្ត្រីមធ្យម ថ្នាក់គុណភាព បានទទួលការបណ្តុះបណ្តលលើមុខវិជ្ជាខាងលើ ដោយកម្មសិក្សាការីត្រូវសិក្សារយ:ពេល ៥ សប្តាហ៍ ស្មើនឹង ១៥ ម៉ោង ៕
