គណៈប្រតិភូរដ្ឋសភាកម្ពុជា អញ្ជើញចូលរួមសិក្ខាសាលាស្តីពី «ការអនុវត្តអភិបាលកិច្ចល្អរបស់សភា» រៀបចំដោយលេខាធិការដ្ឋានព្រឹទ្ធសភាថៃ និងមជ្ឈមណ្ឌលសភាអាស៊ី (PCAsia)

ភ្នំពេញ៖ គណៈប្រតិភូរដ្ឋសភាកម្ពុជា បានអញ្ជើញចូលរួមក្នុងសិក្ខាសាលាស្តីពី «ការអនុវត្តអភិបាលកិច្ចល្អរបស់សភា» (Workshop on Parliamentary Good Governance Practices) ដែលរៀបចំដោយលេខាធិការដ្ឋានព្រឹទ្ធសភា នៃព្រះរាជាណាចក្រថៃ និងមជ្ឈមណ្ឌលសភាអាស៊ី (PCAsia)។

គណៈប្រតិភូរដ្ឋសភាកម្ពុជា ដឹកនាំដោតឯកឧត្តម ឃុត ចាន់ដារ៉ា សមាជិកគណៈកម្មការទី៩ រួមនឹងឯកឧត្តម ឃឹង នុភាព, ឯកឧត្តម ញឿន រ៉ាដែន សមាជិកគណៈកម្មការទី៨ នៃរដ្ឋសភាអមដោយឯកឧត្តម លី ម៉េងទីត ប្រធានការិយាល័យអាស៊ាន-អាយប៉ា ជាជំនួយការ ដែលបានធ្វើឡើងនាថ្ងៃទី៣ ដល់ថ្ងៃទី៤ ខែមីនា ឆ្នាំ២០២៤ នៅសាលសន្និសីទព្រឹទ្ធសភាថៃ ទីក្រុងបាងកក ប្រទេសថៃ។

ថ្ងៃទី១៖ អង្គសិក្ខាសាលាបាន បានចែករំលែកនូវបទបង្ហាញអំពី «ការអនុវត្តអភិបាលកិច្ចល្អរបស់សភា»/ (Parliamentary Good Governance Practices» របស់សភាសមាជិកអាយប៉ា។

ថ្ងៃទី២៖ អង្គសិក្ខាសាលាបានចែករំលែកនូវបទបង្ហាញអំពីក្រមសីលធម៌របស់សភាបារាំង សភាអាមេរិកនិងសភាស៊ុយអែត។

សិក្ខាសាលាមានគោលបំណង៖
១-ប្រៀបធៀបការអនុវត្តអភិបាលកិច្ចសភា និងក្រមសីលធម៌របស់សភាផ្សេងៗនៅតំបន់អាស៊ី ក្នុងក្របខ័ណ្ឌនយោបាយ និងរដ្ឋធម្មនុញ្ញផ្សេងៗគ្នា
២-ពិភាក្សាអំពីរបៀបអនុវត្តអភិបាលកិច្ចផ្សេងៗគ្នា រួមទាំងក្រមសីលធម៌របស់សភា អាចត្រូវបានអនុវត្តនៅក្នុងសភាជាន់ខ្ពស់ និងសភាជាន់ទាបនៃសភាសមាជិកអាយប៉ា
៣-ពិភាក្សាអំពីជម្រើសលើការបង្កើតក្រមសីលធម៌/គោលការណ៍ណែនាំ ដោយសង្កត់ធ្ងន់លើគោលការណ៍អភិបាលកិច្ចល្អនៃតម្លាភាព និងគណនេយ្យភាព
៤-ដើម្បីពិភាក្សាបន្ថែមអំពីជំហានបន្ទាប់ដែលបានផ្ដល់អនុសាសន៍ ដែលអាចរួមចំណែកដល់កិច្ចខិតខំប្រឹងប្រែងទាំងនេះ ៕