លោក Biden បញ្ជាឱ្យស៊ើបអង្កេតលើហានិភ័យសន្តិសុខជាតិដែលបង្កឡើងដោយរថយន្តឆ្លាតវៃ ដែលផលិតនៅប្រទេសចិន
វ៉ាស៊ីនតោន៖ ដោយលើកឡើងពីហានិភ័យសន្តិសុខជាតិដែលអាចកើតមាន រដ្ឋបាលលោក Biden បញ្ជាក់ថា ខ្លួននឹងស៊ើបអង្កេតលើរថយន្តឆ្លាតវៃ ដែលផលិតដោយចិន។
ការស៊ើបអង្កេតនេះអាចនាំឱ្យមានបទប្បញ្ញត្តិថ្មីក្នុងគោលបំណងការពារប្រទេសចិនពីការប្រើប្រាស់បច្ចេកវិទ្យាទំនើបនៅក្នុងរថយន្តអគ្គិសនី និងអ្វីដែលគេហៅថារថយន្តដែលបានតភ្ជាប់ផ្សេងទៀតដើម្បីតាមដានអ្នកបើកបរ និងព័ត៌មានផ្ទាល់ខ្លួនរបស់ពួកគេ។ ក្រុមមន្ត្រីមានការព្រួយបារម្ភថា លក្ខណៈពិសេសដូចជាបច្ចេកវិទ្យាជំនួយអ្នកបើកបរ អាចត្រូវបានប្រើប្រាស់ ដើម្បីឈ្លបយកការណ៍លើជនជាតិអាមេរិកប្រកបដោយប្រសិទ្ធភាព។
ខណៈពេលដែលសកម្មភាពបញ្ឈប់ការហាមឃាត់លើការនាំចូលរបស់ចិន លោកប្រធានាធិបតី Joe Biden បានបញ្ជាក់ថាលោកកំពុងចាត់វិធានការដែលមិនធ្លាប់មានពីមុនមកដើម្បីការពារទិន្នន័យរបស់ជនជាតិអាមេរិក។
លោក Biden បានឲ្យដឹងនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា ប្រទេសចិនបានប្តេជ្ញាចិត្តដើម្បីគ្រប់គ្រងអនាគតនៃទីផ្សាររថយន្ត រួមទាំងការប្រើប្រាស់ការអនុវត្តមិនយុត្តិធម៌។ គោលនយោបាយរបស់ប្រទេសចិនអាចជន់លិចទីផ្សាររបស់យើងជាមួយនឹងយានយន្តរបស់ខ្លួន ដែលបង្កហានិភ័យដល់សន្តិសុខជាតិរបស់យើង។ លោកនឹងមិនអនុញ្ញាតឱ្យវាកើតឡើងនៅក្នុងប្រទេសលោកទេ។
ការស៊ើបអង្កេតនេះគឺជាសកម្មភាពចុងក្រោយរបស់រដ្ឋបាលលោក Biden ដើម្បីការពារប្រឆាំងនឹងអ្វីដែលមន្ត្រីមើលឃើញថាជាការគំរាមកំហែងកាន់តែខ្លាំងឡើងនៃការវាយប្រហារតាមអ៊ីនធឺណិតរបស់ចិន។ លោក Biden បានចុះហត្ថលេខាលើបទបញ្ជាប្រតិបត្តិមួយក្នុងសប្តាហ៍នេះ ក្នុងគោលបំណងការពារទិន្នន័យផ្ទាល់ខ្លួនរបស់ជនជាតិអាមេរិកឱ្យកាន់តែប្រសើរឡើង ដូចជាកំណត់ត្រាសុខភាព និងហិរញ្ញវត្ថុពីសត្រូវបរទេសដូចជាប្រទេសចិន និងរុស្ស៊ីជាដើម។
លោក Biden និងមន្ត្រីផ្សេងទៀតបានកត់សម្គាល់ថា ប្រទេសចិនបានដាក់កម្រិតយ៉ាងទូលំទូលាយលើរថយន្តអាមេរិក និងរថយន្តបរទេសផ្សេងទៀត។
ប្រភព៖ ABC News
ប្រែសម្រួលដោយ៖ ឡាយ លីហួ
