នាយទាហាន នាយទាហានរង និងពលទាហាន ការិយាល័យអភិវឌ្ឍន៍ សាកសួរសុខទុក្ខឧត្តសេនីយ៍ត្រី មាស សុខេម ត្រូវភ្លើងឆេះផ្ទះក្នុងខ័ណ្ឌសែនសុខ
ភ្នំពេញ៖ ឯកឧត្ដម ឧត្តមសេនីយ៍ត្រី ហង្ស មេត្តា និងលោកវរសេនីយ៍ឯក ឆេង ប៊ុនឡុង នាយរងការិតាល័យអភិវឌ្ឍន៍កងទ័ពជើងគោក នៅថ្ងៃទី៩ ខែកុម្ភៈ ឆ្នាំ២០២៤ បានដឹកនាំនាយទាហាន នាយទាហានរង និងពលទាហាន ការិតាល័យអភិវឌ្ឍន៍ សាកសួរសុខទុក្ខឧត្តសេនីយ៍ត្រី មាស សុខេម ត្រូវភ្លើងឆេះផ្ទះក្នុងខ័ណ្ឌសែនសុខ កាលពីថ្ងៃទី៤ ខែកុម្ភះ ឆ្នាំ២០២៤ កន្លងទៅ ត្រូវបានឆេះអស់ទាំងស្រុងគិតជាថវិកាជាង ១៤ម៉ឺនដុល្លាសហរដ្ឋអាមេរិក ។
ក្នុងនាមឯកឧត្តម ឧត្តមសេនីយ៍ទោ ហង្ស សុខា នាយរងសេនាធិការ នាយការិកាល័យអភិវឌ្ឍន៍កងទ័ពជើងគោក ឧត្តមសេនីយ៍ត្រី ហង្ស មេត្តា បានពាំនាំប្រសាសន៍ផ្តាំផ្ញើសួរសុខទុក្ខ ពីសំណាក់ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការង មេបញ្ជាការកងទ័ពជើងគោក ពិសេសសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនចំពោះឧត្តសេនីយ៍ត្រី មាស សុខេម ។
ឧត្តមសេនីយ៍ត្រី ហង្ស មេត្តា លោកវរសេនីយ៍ឯក ឆេង ប៊ុនឡុង នាយទាហាន នាយទាហានរង និងពលទាហាន ការិយាល័យអភិវឌ្ឍន៍ ទាំងអស់សូម ចូលរួមសោកស្តាយជាទីបំផុតចំពោះការខាតបង់នូវថវិកា និងទ្រព្យដ៏ធំធេង ដោយគ្រោះអគ្គិសភ័យបានបំផ្លាញទាំងស្រុង នូវផ្ទះសម្បែង និងទ្រព្យសម្បត្តិ ដូចពាក្យចាស់ពោលថា “ស៊ូលិចទូកកណ្តាលទន្លេ កុំឲ្យភ្លើងឆេះផ្ទះ”។
នៅក្នុងឱកាសនោះដែរក្រុមការងារបានជួយឧបត្ថម្ភថវិកាចំនួន ១លាន ៥សែនរៀល ដើម្បីជួយសម្រួលការដល់ការលំបាកចំពោះផងដែរ ។
សូមបញ្ជាក់ថា នៅវេលាម៉ោងប្រមាណ២៖៣៥នាទី រសៀល ថ្ងៃទី០៤ ខែកុម្ភៈ ឆ្នាំ២០២៤នេះ មាន ករណីអគ្គិភ័យឆេះផ្ទះប្រជាពលរដ្ឋមួយកន្លែង ស្ថិតនៅតាមបណ្ដោយផ្លូវជាតិលើទី៤ ស្ថិតក្នុង សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ របាយការណ៍របស់ការិយាល័យបង្ការ ពន្លត់ អគ្គិភ័យ និងសង្គ្រោះ នៃស្នងការដ្ឋាននគរបាល រាជធានីភ្នំពេញ បានឲ្យដឹងថា ករណីអគ្គិភ័យនេះ បានបណ្តាលឲ្យឆេះផ្ទះអស់២ល្វែងទាំងស្រុង និង មួយខ្នងទៀត ខូចខាតមួយផ្នែក ព្រមទាំងសម្ភារ គិតជាទឹកប្រាក់រាប់ម៉ឺនដុល្លា ៕
