សកម្មភាពការងារថ្ងៃទី១១-១៦ ខែធ្នូ នៃក្រុមការងារមន្ទីរសាធារណការ បានចុះជួសជុលថែទាំកំណាត់ផ្លូវជាតិ នៅតាមបណ្ដាខេត្ត

ភ្នំពេញ៖ ក្នុងថ្ងៃទី១១-១៦ ខែធ្នូ ឆ្នាំ២០២៣ ក្រុមការងារមន្ទីរសាធារណការ និងដឹកជញ្ជូនខេត្តត្បូងឃ្មុំ, កំពង់ធំ, កំពត, ព្រៃវែង, ក្រចេះ, ប៉ៃលិន, កំពង់ឆ្នាំង, កំពង់ស្ពឺ, បាត់ដំបង, តាកែវ, ពោធិ៍សាត់, កែប, បន្ទាយមានជ័យ, ស្វាយរៀង, សៀមរាប, រតនគិរី, កោះកុង និងកំពង់ចាម បានចុះជួសជុលថែទាំលើផ្លូវជាតិនៅតាមបណ្ដាខេត្ត មានដូចជា៖ លេខ២, លេខ៣, លេខ៥, លេខ៦, លេខ៧, លេខ៨, លេខ១១, លេខ១៣, លេខ១៨, លេខ២៣, លេខ៣១A, លេខ៣៣A, លេខ៤៨, លេខ៤៨-៥, លេខ៥០C១, លេខ៥៣, លេខ៥៣B, លេខ៥៥, លេខ៥៧B១, លេខ៥៨, លេខ៦០, លេខ៦១, លេខ៦២, លេខ៦៤, លេខ៦៧, លេខ៦៨, លេខ៧០B, លេខ៧១, លេខ៧៣, លេខ៧៤ និងលេខ៧៨-៥។

សូមបញ្ជាក់ថា ក្រៅពីការចុះថែទាំលើកំណាត់ផ្លូវជាតិ ផ្លូវខេត្ត នេះ ក្រុមការងារក៏បានធ្វើការជួសជុលលើផ្លូវមួយចំនួនផ្សេងទៀត ដែលរងការខូចក្លាយជាជង្ហុកសំបុកមាន់ ក៏ត្រូវបានចុះអនុវត្តធ្វើជាប្រចាំដើម្បីឱ្យមានភាពល្អប្រសើរ ធ្វើយ៉ាងណាជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ឱ្យកាន់តែមានភាពងាយស្រួល និងការដឹកជញ្ជូនទំនិញឆ្លងកាត់ បានចំណេញពេលវេលា ចំណេញថវិកា ព្រមទាំងបង្កើននូវសោភ័ណភាពតាមដងផ្លូវផងដែរ ៕