ឯកឧត្តម ហ្សង់ ហ្វ្រង់ស័រ តាន់៖ នយោបាយការទូតទន់ភ្លន់របស់កម្ពុជាគឺពង្រឹងមិត្តភាពចាស់ និងពង្រីកមិត្តភាពថ្មី

ភ្នំពេញ៖ ឯកឧត្តម ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការ ការបរទេស និងសហប្រតិបត្តិការអន្តរជាតិ បានបញ្ជាក់ថា នយោបាយការទូតទន់ភ្លន់របស់កម្ពុជាគឺពង្រីកមិត្តភាពនៅគ្រប់ទីកន្លែងក្នុងតំបន់ និងក្នុងពិភពលោក ពង្រឹងមិត្តភាពចាស់ និងពង្រីកមិត្តភាពថ្មីគឺជាយន្តការ ដែលនឹងហុចមកក្នុងរយៈកាលខ្លីមធ្យម ឬវែងនៅផលប្រយោជន៍សម្រាប់កម្ពុជា។

ថ្លែងប្រាប់អ្នកសារព័ត៌មានក្នុងសន្និសីទធ្វើសន្និសីទសារព័ត៌មាននាព្រលប់ថ្ងៃទី១២ ខែធ្នូ ឆ្នាំ២០២៣ ស្តីពីការបញ្ចប់ទស្សនកិច្ចផ្លូវការ រយៈពេល២ថ្ងៃ របស់សម្តេចធិបតី ហ៊ុន ម៉ាណែត នៅប្រទេសវៀតណាម ឯកឧត្តម ហ្សង់ ហ្វ្រង់ស័រ តាន់ បញ្ជាក់ថា ការដែលអ្នកអត្ថាធិប្បាយលែងនិយាយស្ទើរចេញពីបបូរមាត់ដោយសារតែគាត់យល់ឃើញថាមហាជនខ្មែរចាប់ផ្តើម ឬបាននិងបន្តយល់កាន់តែច្បាស់ពីយន្តការ ឬពីគន្លឹះធំៗ នៃភូមិសាស្ត្រនយោបាយក្នុងតំបន់ និងពិភពលោក។

ឯកឧត្តម តាន់ ហ្សង់-ហ្វង់ស្វ័រ បានលើកឡើងទៀតថា ទោះបីជាពួកគេដូរពាក្យនិយាយអត្ថាធិប្បាយក្តី តែគំនិតរបស់គេនៅតែចោទមកលើរាជរដ្ឋាភិបាលកម្ពុជានៅតែជាប្រទេសរណប ក៏ប៉ុន្តែពួកគាត់ក៏បានដឹងពីសភាពការណ៍ដែរ ថាកម្ពុជា ក៏ដូចជាវៀតណាមជា ប្រទេសស មាជិកអាស៊ាន គឺគ្មានប្រទេសណារណប ឬប្រទេសណាអាយ៉ងប្រទេសណានោះ ទេសូម្បីតែ ប្រធានាធិបតីចិនទៅវៀតណាមគ្មានបំណងបង្កើតសត្រូវនោះទេ គឺដើម្បីពិភាក្សាគ្នា រកការទ្រទ្រងគ្នាទៅវិញទៅមក។

ឯកឧត្តមបានអះអាងថា រាជរដ្ឋាភិបាលកម្ពុជាអរគុណ ដល់អ្នកធ្វើអត្ថាធិប្បាយទាំងនោះ ដែលបានប្រើពាក្យស្អំបេះដូង ដែលពាក្យនេះមានលក្ខខណៈវិជ្ជាមានទៅវិញទេ។ព្រោះថាវាស្តែង ឱ្យឃើញថាពីនយោបាយការទូតបែបទន់ភ្លន់របស់កម្ពុជាក្នុងភូមិសាស្ត្រនយោបាយបច្ចុប្បន្ន៕