ទីក្រុងម៉ូស្គូ៖ ការិយាល័យសារព័ត៌មាននៃក្រសួងសង្គ្រោះបន្ទាន់របស់រុស្ស៊ីបានរាយការណ៍កាលពីថ្ងៃអាទិត្យថាជនជាតិរុស្ស៊ីដំបូងគេត្រូវបានជម្លៀសចេញពីតំបន់ហ្គាហ្សាស្ទ្រីប។
ការិយាល័យសារព័ត៌មានបានឲ្យដឹងថា ក្រសួងគ្រាអាសន្ននៃប្រទេសរុស្ស៊ី រួមជាមួយនឹងអ្នកការទូតរុស្ស៊ី បានរៀបចំការងារសម្រាប់ការជម្លៀសជនស៊ីវិលចេញពីតំបន់ហ្គាហ្សាស្ទ្រីប។ មកដល់ពេលនេះ ប្រជាពលរដ្ឋរុស្ស៊ីដែលបានបង្ហាញពីបំណងចង់ចាកចេញពីតំបន់ជម្លោះកំពុងឆ្លងកាត់ចំណុចព្រំដែន។
បុគ្គលិករបស់ក្រសួងសង្គ្រោះបន្ទាន់ ដែលកំពុងទទួលជនជាតិរុស្សី កំពុងផ្តល់ជំនួយផ្នែកវេជ្ជសាស្រ្ត និងផ្លូវចិត្តដល់ពួកគេ ហើផ្តល់អាហារ និងទឹកស្អាតដល់ពួកគេផងដែរ។ ការិយាល័យសារព័ត៌មានបានលើកឡើងថា ពលរដ្ឋដែលត្រូវបានជម្លៀសនឹងត្រូវបញ្ជូនជាបន្តបន្ទាប់ទៅកាន់ទីក្រុងគែរ ជាកន្លែងដែលក្រសួងគ្រាអាសន្នរុស្ស៊ីបានបង្កើតមជ្ឈមណ្ឌលប្រតិបត្តិការសង្គ្រោះបន្ទាន់របស់ខ្លួន ហើយក៏នឹងទទួលបានជំនួយក្នុងការស្តារឯកសាររបស់ពួកគេឡើងវិញផងដែរ។
យន្តហោះដឹកជញ្ជូនរុស្ស៊ី Il-៧៦ ចំនួនពីរគ្រឿងរបស់ក្រសួងសង្គ្រោះបន្ទាន់រុស្ស៊ីបានស្ថិតក្នុងស្ថានភាពត្រៀមខ្លួនរួចរាល់ហើយនៅទីក្រុងគែរចាប់តាំងពីថ្ងៃទី ៥ ខែវិច្ឆិកា ដើម្បីជម្លៀសប្រជាជនរុស្ស៊ីចេញពីតំបន់ហ្គាហ្សាស្ទ្រីប។
ប្រភព៖ TASS
ប្រែសម្រួលដោយ៖ ហៃ ឆៃមុីនាង
