ឯកឧត្តមបណ្ឌិត ជ្រុន ថេរ៉ាវ៉ាត ចុះត្រួតពិនិត្យ និងវាយតម្លៃបញ្ចប់សុពលភាព លើគម្រោងស្ថាបនាផ្លូវក្រាលកៅស៊ូពីរជាន់ DBST ចំនួន ០២ខ្សែ ក្នុងឃុំស្ពឺ ស្រុកចំការលើ

ភ្នំពេញ៖ ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេដាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នាព្រឹកថ្ងៃចន្ទ ១រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែតុលា ឆ្នាំ២០២៣ បានអញ្ជើញដឹកនាំគណ:ប្រតិភូ ជាមន្រ្តីជំនាញនាយកដ្ឋានផ្លូវលំ និងមន្រ្តីលេខាធិការដ្ឋានដ្ឋាន PU ដោយមានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃបញ្ចប់សុពលភាព លើគម្រោងស្ថាបនាផ្លូវក្រាលកៅស៊ូពីរជាន់ DBST ចំនួន ០២ខ្សែ ប្រវែងសរុប ៤.៥០០ម៉ែត្រ ទទឹង ៦ម៉ែត្រ ចិញ្ចើមផ្លូវសងខាងក្រាលក្រួសក្រហម ទទឹងម្ខាងៗ ០១ម៉ែត្រ កម្រាស់ ០,២ម៉ែត្រ លូមូលមុខមួយ ០២ កន្លែង និងផ្លាកឈ្មោះផ្លូវចំនួន ០២កន្លែង នៅភូមិស្ពឺ និងភូមិពព្រេង ក្នុងឃុំស្ពឺ ស្រុកចំការលើ ខេត្តកំពង់ចាម អនុវត្តដោយក្រុមហ៊ុន ៦ ស្តារ ខន់ស្រាក់សិន។

គណ:ប្រតិភូបានពិនិត្យដោយកចិត្តទុកដាក់បំផុត ទាំងគុណភាព សោភណភាព និងសុវត្ថិភាព។ ជាលទ្ធផល គណ:ប្រតិភូប្រកាសទទួលយកការវាយតម្លៃបញ្ចប់សុពលភាព ដោយជោគជ័យ ៕