សហរដ្ឋអាមេរិកផ្តល់រង្វាន់ 5 លានដុល្លារសម្រាប់ព័ត៌មានស្តីពីការសម្លាប់បេក្ខជនប្រធានាធិបតីអេក្វាឌ័រ

វ៉ាស៊ីនតោន៖ កាលពីថ្ងៃទី ២៨ ខែកញ្ញា សហរដ្ឋអាមេរិកកំពុងផ្តល់រង្វាន់ចំនួន ៥ លានដុល្លារសម្រាប់ព័ត៌មានដែលនាំទៅដល់ការចាប់ខ្លួនអ្នកដែលនៅពីក្រោយការសម្លាប់បេក្ខជនប្រធានាធិបតីអេក្វាឌ័រ លោក Fernando Villavicencio រដ្ឋលេខាធិការក្រសួងការបរទេសលោក Antony Blinken បានឲ្យដឹងកាលពីថ្ងៃព្រហស្បតិ៍។

លោក Fernando Villavicencio អតីតសមាជិកសភា និងជាអ្នកកាសែតប្រឆាំងអំពើពុករលួយ ត្រូវបានខ្មាន់កាំភ្លើងបាញ់សម្លាប់នៅក្នុងទីក្រុង Quito កាលពីថ្ងៃទី៩ ខែសីហា តិចជាងពីរសប្តាហ៍មុនការបោះឆ្នោតប្រធានាធិបតី។ ប៉ូលីសអេក្វាឌ័របានចាប់ខ្លួនជនសង្ស័យចំនួន ៦ នាក់ដែលពួកគេនិយាយថាជាជនជាតិកូឡុំប៊ីទាំងអស់ដែលជាកម្មសិទ្ធិរបស់ក្រុមឧក្រិដ្ឋជន។

បន្ថែមពីលើរង្វាន់ ៥ លានដុល្លារ លោក Antony Blinken ក៏បានប្រកាសផ្តល់រង្វាន់ ១ លានដុល្លារផងដែរសម្រាប់ព័ត៌មានដែលនាំទៅដល់ការកំណត់អត្តសញ្ញាណ ឬទីតាំងរបស់បុគ្គលណាមួយដែលកាន់តំណែងជាអ្នកដឹកនាំដ៏សំខាន់នៅក្នុងក្រុមដែលទទួលខុសត្រូវចំពោះការស្លាប់របស់លោក Fernando Villavicencio។

លោក Antony Blinken បានឲ្យដឹងនៅក្នុងសេចក្តីថ្លែងការណ៍មួយថា សហរដ្ឋអាមេរិកនឹងបន្តគាំទ្រប្រជាជនអេក្វាឌ័រ និងធ្វើការដើម្បីនាំមករកយុត្តិធម៌ដល់បុគ្គលដែលព្យាយាមធ្វើឱ្យខូចដំណើរការប្រជាធិបតេយ្យតាមរយៈឧក្រិដ្ឋកម្មដ៏ឃោរឃៅ។

ប្រភព៖ Reuters

ប្រែសម្រួលដោយ៖ {ឡាយ លីហួ}