អនុវត្តតាមបទបញ្ជារមុឺងម៉ាត់របស់ឯកឧត្តមអភិបាលខេត្តកំពង់ឆ្នាំង, កម្លាំងសមត្ថកិច្ចចម្រុះ បានចុះបង្ក្រាបបទល្មើសនេសាទខុសច្បាប់ នៅក្នុងឃុំ២នៃស្រុកជលគីរី
ភ្នំពេញ៖ នៅថ្ងៃទី២៥ ខែកញ្ញា ឆ្នាំ២០២៣នេះ សមត្ថកិច្ចនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ឆ្នាំងបានចុះបង្ក្រាបនិងធ្វើការកម្ទេចបទល្មើសនេសាទនៅក្នុងឃុំ២នៃស្រុកជល់គីរី ជាលទ្ធផលបានកាប់បំផ្លាញចោលរបាំងសាច់អួនវែងៗខុសច្បាប់ចំនួន ១៤ កន្លែងមានប្រវែង៥,៥០០ម៉ែត្រ និងបានចាក់លែងកូនត្រីដែលជាប់នៅក្នុងលបលូសាច់អួន ចូលក្នុងបឹងទន្លធម្មជាតិវិញបានចំនួងជាង ៨០០គីឡូម៉ែត្រ។
លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង នៅព្រឹកថ្ងៃទី២៥ ខែកញ្ញា ឆ្នាំ២០២៣នេះ បានឲ្យដឹងថាដោយអនុវត្តតាមបទបញ្ជារឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង និងគណៈបញ្ជាការឯកភាពរដ្ឋបាលខេត្ត នៅថ្ងៃនេះឯកឧត្តមបានបញ្ជារកងកម្លាំងនគរបាលការិយាល័យប្រឆាំងបទល្មើសសេដ្ឋកិច្ចខេត្ត នគរបាលចរាចរណ៍ខេត្តនិងនគរបាលអន្តរាគមន៍ សហការគ្នាចុះបង្ក្រាបបទល្មើសនេសាទនៅក្នុងភូមិសាស្ត្រស្រុកជលគិរី ក្រោយពីទទួលបានព័ត៌ មាននិងរូបភាពរបាំងសាច់អួនវែងៗជាបទល្មើសនេសាទរបស់ក្រុមជនល្មើសមុខដដែលរកស៉ីរាល់ឆ្នាំងដាក់ចាប់ត្រីគ្រប់ប្រភេទទាំងតូចទាំងធំដោយមិនរើសមុខ។
លោកឧត្តមសេនីយ៍ទោ ស្នងការ បានបញ្ជាក់ទៀតថាតាមគោលការណ៍ដែលបានប្រជុំឯកភាពនៅ ក្នុងគណៈបញ្ជាការឯកភាពរដ្ឋបាលខេត្តគឺកម្លាំងសមត្ថកិច្ចចម្រុះខេត្តនិង គ្រប់ស្រុកនិងនគបាលប៉ុសន៍ចុះប្រតិបត្តិការបង្ក្រាបបទល្មើសនេសាទជាប្រចាំឲ្យបានអស់ទាំងស្រុងនៅគ្រប់ស្រុកទាំង៦នៅតាមដងទន្លេសាប ហើយជាមួយគ្នានេះដែរក៏មានផែនការចាប់ខ្លួនជនទាំងឡាយដែលបានប្រព្រឹត្តបទល្មើសនេសាទមានទ្រុងទ្រាយធំៗគ្រាក់ៗដើម្បីកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់ និងត្រូវធ្វើការស្រាវជ្រាវរកមន្ត្រីជលផលពុករលួយណាមួយដែលជាខ្នងបង្អែកក្រុមជនល្មើសផងដែរ ទើបបទល្មើសនេសាទអាចថយចុះ និងទប់ស្កាត់បានដោយប្រសិទ្ធភាព។
លោកវរៈសេនីយ៍ទោ ជុន បូរី នាយរងការិយាល័យនគរបាលប្រឆាំងបទល្មើសសេដ្ឋកិច្ចខេត្តកំពង់ឆ្នាំង ជាអ្នកដឹកនាំសម ត្ថកិច្ចនគរបាលខេត្ត ចុះបង្ក្រាបបទល្មើសនេសាទនៅថ្ងៃនេះបានឱ្យដឹងថា ក្នុងសមត្ថកិច្ចបានប្រើប្រាស់កម្លាំងសរុប ២០ នាក់បាឡាស្មាច់ ៥ គ្រឿងចុះធ្វើសកម្មភាពបង្ក្រាបបទល្មើសនេសាទនៅចំណុចក្នុងភូមិសាស្ត្រ ភូមិគៀនតាម៉ា ឃុំកំពុងអូស និងភូមិក្បាលកន្លង់ ឃុំពាមឆ្ងោកស្រុកជល់គីរី។
នៅក្នុងកិច្ចប្រតិបត្តការពេញមួយថ្ងៃនេះលទ្ធផលធ្វើការបង្ក្រាបនិងបានកាប់កំទេចចោលនៅនឹងកន្លែងរួមមានរបាំងសាច់អួនវែងៗចំនួន ១៤កន្លែងមានប្រវែង ៥,៥០០ម៉ែត្រ, លបលូសាច់អួនចំនួន ៣៩គ្រឿង , បង្គោល ១,១០០ដើម និងបានចាក់លែងកូនត្រីចំរុះល្អិតៗចូលទៅក្នុងបឹងទន្លេធម្មជាតិវិញ ចំនួន ៨៩០គីឡូម៉ែត្រ ៕
គួបញ្ជាក់ផងដែរថា បទល្មើសនេសាទរបាំងសាច់អួនវែងៗនៅក្នុងភូមិសាស្ត្រភូមិគៀនតាម៉ា ១ខ្សែៗ មានប្រវែង២ទៅ៣ ពាន់ ឬ ៤ពាន់ម៉ែត្រ (ដូចមានរូបភាពវីដេអូភ្ជាប់មកជាមួយនិងនៅតាមបណ្ដាឃុំផ្សេងៗមួយចំនួនទៀតក៏មានបទល្មើសវែងៗបែ បនេះដែរ) ដែលកើតមានតាំងពីមុនរដូវបើកនេសាទរហូតមកដល់ក្នុងរដូវបិទនេ សាទពេលនេះក៏នៅតែមាន មិនដឹងថាសមត្ថកិច្ចជំនាញខណ្ឌរដ្បាលជលផលខេត្ត .ជលផលផ្នែកនិងជលផលសង្កាត់ តាមកន្លែងនិមួយ, គេគោរពតួនាទីរបស់ខ្លួនដែរឬទេ តែបើពួកគេគោរពកាតព្វកិច្ចខ្លួន តាមបញ្ញត្តិច្បា ប់ថាតើមានបទល្មើសនេសាទបែបនេះដែរឬទេ សូមឯកឧត្តមរដ្ឋមន្ត្រីក្រសួងកសិកម្មថ្មីមេត្តាជួយមុជទឹកដុះក្អែល ព្យាបាលនិងវះកាត់ផងទៀន។
ដោយស្ថានភាពបែបនេះហើយទើប ឯកឧត្តម ស៊ិនសុវណ្ណារិទ្ធិ ប្រធានគណៈបញ្ជាការឯកភាពរដ្ឋបាលខេត្តបញ្ជារឲ្យសមត្ថកិច្ចនគរបាលខេត្តចុះបង្ក្រា បនិងកាប់បំផ្លាញចោលឲ្យបានអស់ ពាក់ពន្ធ័និងករណីនេះបើឱ្យមន្ត្រីជលផលដឹងខ្លួនមុននោះ បទល្មើសពិតជាត្រូវគេខ្សឹបឱ្យជនល្មើសពន្លិចរបាំងសាច់អួនវែងៗទាំងនោះចូលក្នុងទឹកអស់មិនអាចបង្ក្រាបបាននោះឡើយ ៕
