នាយករដ្ឋមន្រ្តី៖ ខ្ញុំប្រគល់សិទ្ធិ ការទុកចិត្ត និងប្រគល់ដាវអាជ្ញាសឹកឲ្យត្រូវកាប់ បើដល់ពេលខ្ញុំកាប់ជំនួសហើយ
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងរំលឹកដាសតឿនដល់រដ្ឋមន្ត្រីថា សម្ដេចប្រគល់សិទ្ធិ ការទុកចិត្ត និងប្រគល់ដាវអាជ្ញាសឹកឲ្យហើយត្រូវតែកាប់ បើដល់ពេលសម្ដេចកាប់ជំនួសហើយ ប្រយ័ត្នសម្តេចដកដាវមកវិញ។
ក្នុងឱកាសអញ្ជើញបន្តចុះជួបកម្មករជិត២ម៉ឺននាក់ នៅខេត្តកំពង់ស្ពឺ នៅថ្ងៃទី៩ ខែកញ្ញា ឆ្នាំ២០២៣ សម្តេចធិបតី ហ៊ុន ម៉ាណែត បានបញ្ជាក់ថា «ត្រូវប្តេជ្ញាធ្វើទាំងអស់គ្នា ខ្ញុំប្រាប់ហើយ ខ្ញុំអត់ធ្វើតែម្នាក់ឯងទេ ត្រូវធ្វើទាំងអស់គ្នា ខ្ញុំប្រគល់សិទ្ធិ និងការទុកចិត្ត និងប្រគល់ដាវអាជ្ញាសឹកឲ្យត្រូវកាប់ បើដល់ពេលខ្ញុំកាប់ជំនួសហើយ។ កន្លែងកាប់ហ្នឹង អ្នកច្រើនណាស់ចង់បាន មួយជីវិតមានតែម្តងទេ រក្សាវាឲ្យល្អ» ៕
