អភិបាលខេត្តតាកែវ ណែនាំដល់អាជ្ញាធរក្រុង/ស្រុកទាំង១០ ត្រូវខិតខំពង្រឹងសុខសុវត្តិភាពជូនប្រជាលរដ្ឋក្នុងមូលដ្ឋានឲ្យបានល្អ

ភ្នំពេញ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ នាព្រឹកថ្ងៃទី០១ ខែកក្តដា ឆ្នាំ ២០២៣ បានអញ្ជេីញបេីកកិច្ចប្រជុំ ណែនាំ ដាក់ចេញផែនការ ០៤ចំណុច ដល់អាជ្ញាធរក្រុង/ស្រុកទាំង១០ ត្រូវខិតខំពង្រឹងសុខសុវត្តិភាព ជូនដល់ប្រជាលរដ្ឋក្នុងមូលដ្ឋានឲ្យបានល្អ នៅសាលប្រជុំរដ្ឋបាលខេត្ត។ ដោយមានការចូលរួមពីកម្លាំងសមត្ថកិច្ចទាំង០៣ និងលោកអភិបាលក្រុង/ស្រុកទាំង១០។

ផែនការដែលបានដាក់ចេញទាំង០៤ចំណុរួមមាន៖
១-គ្រប់រដ្ឋបាលក្រុង/ស្រុកទាំង១០ ត្រូវចុះត្រួតពិនិត្យរាល់ទីតាំងហាងបញ្ចាំទាំងអស់ ដែលមានក្នុង នៅមូលដ្ឋានខ្លួនគ្រប់គ្រង។
២-ខិតខំទប់ស្កាត់រាល់បទល្មេីសចោរលួច ឆក់ ប្លន់ ល្បែងស៉ីសងគ្រប់ប្រភេទក្នុងមូលដ្ឋានខ្លួន។
៣-ចូលរួមទប់ស្កាត់ឲ្យខានតែបាន ចំពោះការលក់ចែកចាយប្រេីប្រាស់គ្រឿងញៀន ក្មេងទំនេីង បងតូបងធំ និងចុះអប់រំផ្សព្វផ្សាយពីផលប៉ះពាល់នៃថ្នាំញៀនទៅដល់មូលដ្ឋាន និងសាលារៀន។
៤-និងទប់ស្កាត់ចំពោះបទល្មេីសជួញដូរមនុស្ស ជួញដូរផ្លូវភេទតាមគ្រប់រូបភាពផ្សេងៗ។

ជាមួយគ្នានោះផងដែរ ឯកឧត្តមអភិបាលខេត្ត ក៏បានប្រសាន៍ណែនាំឲ្យ លោកអភិបាលស្រុក/ក្រុង ឆ្លៀតពេលចុះឲ្យបានជាប្រចាំនៅតាមមូលដ្ឋា និងគោលដៅសំខាន់ៗ ដេីម្បីក្តាប់ឲ្យបាននូវរាល់សភាពការណ៍ផ្សេងៗ ក្នុងដែនសមត្ថកិច្ចរបស់ខ្លួនគ្រប់គ្រង នៅពេលណាមានបញ្ហាអ្វីមួយកេីតឡេីង យេីងអាចធ្វេីការដោះស្រាយបានភ្លាមៗ និងទាន់សភាពការណ៍ កុំអោយទាល់តែកេីតហេតុហេីយ ចាំធ្វេីការដោះស្រាយពេល ក្រោយ ដែលនាំឲ្យមានការយឺយ៉ាវ និងមានការរិះគុណពីមហាជននោះ ៕