ឯកឧត្តម ញ៉ែម សំអឿន អញ្ជើញសម្ភោធដាក់ឲប្រើប្រាស់អគារការិយាល័យច្រកចេញចូលតែមួយ និងការិយាល័យប្រជាពលរដ្ឋ នៃរដ្ឋបាលស្រុកអូរជុំ

ភ្នំពេញ៖ ឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរីបាន នាព្រឹកថ្ងៃទី១០ ខែសីហា ឆ្នាំ២០២៣ អញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ អគារការិយាល័យច្រកចេញចូលតែមួយ និងនិងការិយាល័យប្រជាពលរដ្ឋ នៃរដ្ឋបាលស្រុកអូរជុំ។

លោក គៀង តុលា អភិបាលស្រុកអូរជុំ បានសម្តែងនូវការ សូមស្វាគមន៍ ប្រកបដោយសេចក្តីសោមនស្សរីករាយ ដែលទទួលបាននូវសមិទ្ធផលថ្មី មួយទៀត សំម្រាប់រដ្ឋបាលស្រុកអូរជុំ ក្នុងការបម្រើសេវារដ្ឋបាលសាធារណៈ ជូនប្រជាពលរដ្ឋប្រកប ដោយតម្លា ភាព និងរហ័សទាន់ចិត្តតាមតម្រូវការរបស់បងប្អូនប្រជាពលរដ្ឋ ។លោកអភិបាលស្រុកបន្តថា ការិយា
ល័យច្រកចេញចូលតែមួយ និងការិយាល័យប្រជាពលរដ្ឋស្រុកអូរជុំ ត្រូវបានចាប់ផ្តើមសាងសង់ឡើងនៅ ថ្ងៃទី១៨ ខែតុលា ឆ្នាំ២០២២ និងបានបញ្ចប់រួចរាល់ជាស្ថាពរនៅថ្ងៃទី១០ ខែមេសា ឆ្នាំ២០២៣ដែលមានទំហំ២២០ម៉ែត្រការ៉េ។

ដោយមានមន្រ្តីជួរមុខ និងមន្រ្តីជួរក្រោយសម្រាប់ផ្តល់សេវាចំនួន១៣ វិស័យមានជាអាទិ៍៖វិស័យសុខាភិបាល, វិស័យទេសចរណ៍វិស័យសាធារណការ និងដឹកជញ្ជូន, វិស័យឧស្សាហកម្ម និងសិប្បកម្ម,វិស័យវប្បធម៌ និងវិចិត្រសិល្បៈ, វិស័យកសិកម្ម,វិស័យសុរិយោដី និងសំណង់, វិស័យអប់រំយុវជន និងកីឡា,វិស័យពាណិជ្ជកម្ម, វិស័យរ៉ែ និងថាមពល។

មានប្រសាសន៍ក្នងពិធីសម្ភោធដាក់ឲប្រើប្រាសអគារការិយាល័យច្រកចេញចូលតែមួយ និង ការិយាល័យប្រជាពលរដ្ឋនៃរដ្ឋបាលស្រុកអូរជុំ នាឱកាសនេះឯកឧត្តម ញ៉ែម សំអឿន បានចាត់ទុកអគារច្រកចេញចូលតែមួយនេះជា សមិទ្ធផលថ្មីមួយទៀតរបស់ខេត្តរតនគិរី និយាយជារួម និងសម្រាប់ស្រុកអូរជុំ និយាយដោយឡែក ដើម្បីដាក់ឲ្យមន្ត្រីរាជការសាលា
ស្រុកអាចប្រើប្រាស់បាន និងបង្កលក្ខណៈងាយស្រួលដល់ប្រជាពលរដ្ឋ និងសាធារណ ជននានាមកទទួលសេវាផងដែរ។ ហើយតាមរយៈនេះអគារថ្មីដ៏ស្រស់ស្អាតនេះ វានឹងជួយរួមចំណែកក្នុងការផ្តល់ភាពងាយស្រួលដល់មន្ត្រីអាចធ្វើការបានពេញលេញទាំងរដូវប្រាំង និងរដូវវស្សា។

ឯកឧត្តមអភិបាលខេត្ត មានជំនឿយ៉ាងមុខមាំថា អគារថ្មីនេះ គឺពិតជាបានផ្ដល់អត្ថប្រយោជន៍យ៉ាងសំខាន់សម្រាប់រដ្ឋបាល ស្រុក និងប្រជាពលរដ្ឋក្នុងស្រុកអូរជុំទាំងមូល ។ឯកឧត្តម បានស្នើអោយក្រុមប្រឹក្សាស្រុក គណៈអភិបាលស្រុក មន្ត្រីរាជការគ្រប់ការិយាល័យនៃរដ្ឋបាលស្រុកអូរជុំទាំងអស់យក
ចិត្តទុកដាក់ប្រើប្រាស់អគារ និងសម្ភារៈ បរិក្ខាដែលបានបំពាក់ជូនឲ្យបានត្រឹមត្រូវ ហើយត្រូវរួមគ្នាថែរក្សា សំអាត អនាម័យ ជួសជុល កែសម្រួល ឲ្យបានជាប់ជាប្រចាំដើម្បីអាចប្រើប្រាស់យូរអង្វែង លើសពីនេះ ត្រូវគិតគូរលៃលក លើកគម្រោងសាងសង់ ហេដ្ឋារចនាសម្ព័ន្ធថ្មីៗ រួមទាំងការតុបតែងលម្អទាំងក្នុង និងក្រៅបរិវេណអគារការិយាល័យស្រុកបន្ថែមទៀត ដើម្បីអាចបំពេញតម្រូវការចំពោះមុខ។

ក្នុងឱកាសនេះឯកឧត្តមអភិបាលខេត្ត ក៏បានឧបត្ថម្ភដល់រដ្ឋបាលស្រុកអូរជុំជាថវិកាចំនួន ២លាន២០មុឺនរៀលផងដែរ ៕