លោក អ៉ី ធារិន អភិបាលស្រុកព្រៃនប់ ៖ បានផ្លូវស្អាតហើយ សូមអ្នកភូមិបន្ទាយប្រិយ៍ ចូលរួមថែរក្សាអនាម័យបរិស្ថាន និងដាំដើមឈើលម្អរក្នុងមូលដ្ឋាន សម្រាប់ផ្លូវបេតុងថ្មី១ខ្សែ ៨៣០ម៉ែត្រ

ព្រះសីហនុ៖ លោក អ៉ី ធារិន អភិបាលស្រុកព្រៃនប់ ការចូលរួមរបស់បងប្អូនប្រជាពលរដ្ឋ គឺជាផ្នែកមួយយ៉ាងសំខាន់ក្នុងការថែរក្សា ការពារ កែរលម្អរអោយមានភាពស្រស់ស្អាត អនាម័យ តាមផ្ទះសំបែង ដងផ្លូវ លូ ប្រឡាយ ដើម្បីមានភាពទាក់ទាញពីសំណាក់ភ្ញៀវជាតិ អន្តរជាតិ ជាពិសេសគឺមុខមាត់របស់បងប្អូនប្រជាពលរដ្ឋ និងអាជ្ញាធរមូលដ្ឋាន។

នេះជាការលើកឡើងរបស់លោក អ៊ី ធារិន អភិបាលស្រុកព្រៃនប់ នៅព្រឹកថ្ងៃទី១១ ខែកក្ដដា ឆ្នាំ២០២៣ ក្នុងកម្មពិធីប្រគល់ទទួលនូវផ្លូវបេតុង១ខ្សែរ មានប្រវែង៨៣០ម៉ែត្រ ទទឹង៥ម៉ែត្រ កម្រាស់០,១៥ម៉ែត្រ ដោយមានការអញ្ជើញចូលរួមពីក្រុមការងារទីចាត់ផែនការ និងវិនិយោគខេត្តព្រះសីហនុ គណៈកម្មការលទ្ធកម្មស្រុក ក្រុមការងារបច្ចេកទេស មេភូមិ ឃុំ អាជ្ញាធរមូលដ្ឋាន និងក្រុមហ៊ុន “យ៉ិន សុខ ខនស្ត្រាកសិន ខូអិលធីឌី” នៅភូមិបន្ទាយប្រិយ៍ ឃុំអណ្តូងថ្ម ស្រុកព្រៃនប់ ខេត្តព្រះសីហនុ។

លោក អ៊ី ធារិន បានលើកឡើងថា ក្រោយពីបានចុះពិនិត្យជាក់ស្តែង និងសិក្សានូវគុណភាពជាមួយក្រុមការងារជំនាញនៃទីចាត់ការផែនការ និងវិនិយោគខេត្ត គណៈកម្មការលទ្ធកម្មស្រុក រួចមកឃើញថាផ្លូបេតុង១ខ្សែខាងលើពិតជាមានការសាងសង់បានត្រឹមត្រូវ តាមស្តង់ដារបច្ចេកទេស ដែលបានកំណត់ក្នុងកិច្ចសន្យា។

លោនបានបន្តទៀតថា ផ្លូវបេតុង១ខ្សែមានប្រវែង៨៣០ម៉ែត្រនេះ ជាសមទ្ធផលថ្មីក្រោមការយកចិត្តទុកដាក់យ៉ាងខ្ពង់ខ្ពស់ពីរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រី នៃព្រះជាណាចក្រកម្ពុជា ដែលតែងតែយកសុខទុក្ខប្រជាពលរដ្ឋជាធំ រហូតឈានដល់ប្រែក្លាយផ្លូវ១ខ្សែនេះពីដីស ទៅក្រាលដីក្រហម ពីដីក្រហមមកចាក់ជាបេតុង។

លោកបានគូសបញ្ជាក់ថា ផ្លូវបេតុងនេះទោះបីជាគម្រោងរបស់ថ្នាក់ស្រុក តែការឧបត្ថមគឺជាថវិការរបស់ថ្នាក់ជាតិជាអ្នកផ្តល់អោយ ជាពិសេសមានតែគណបក្សប្រជាជនកម្ពុជាតែមួយគត់ដែលផ្តល់សម្រាប់ការអភិវឌ្ឍន៍ស្ទើរតែគ្រប់វិស័យ គ្រប់ទីកន្លែងទាំងអស់ក្នុងព្រះរាជាណាចក្រកម្ពុជា។

ក្នុងឱកាសនោះលោកអភិបាលស្រុកក៏បានអំពាវនាវដល់ប្រជាពលរដ្ឋដែលមានឈ្មោះបោះឆ្នោត សូមអញ្ជើញទៅចូលរួមបោះឆ្នោតអោយបានគ្រប់ៗគ្នា ក្នុងថ្ងៃទី២៣ ខែកក្ដដា ខាងមុខនេះ។ អភិបាលស្រុកព្រៃនប់សង្ឃឹមយ៉ាងមុតម៉ាំថា បងប្អូននឹងយល់ ហើយជឿជាក់ថាប្រទេសមានសុខសន្តិភាព ក៏ដោយសារការសម្រេចចិត្ត និងការដឹកនាំប្រទេស ដែលបាត់បង់គ្រប់វិស័យក្នុងសម័យសង្គ្រាម ឈានមករការអភិវឌ្ឍន៍នាពេលបច្ចុប្បន្ន។

ជាចុងក្រោយលោក អ៊ី ធារិន អភិបាលស្រុកព្រៃនប់ សូមអោយបងប្អូនប្រជាពលរដ្ឋចូលរួមអោយបានគ្រប់ៗគ្នាក្នុងការថែរក្សា ប្រើប្រាស់ នៅផ្លូវ១ខ្សែនេះឲ្យបានល្អ (បើមានលទ្ធភាពម្ចាស់ផ្ទះនីមួយៗអាចចាក់បំពេញបន្ថែមនូវច្រកចូលផ្ទះ ដាំដើមផ្ការ កូនឈើ ដើម្បីឲ្យមានភាពស្រស់ស្អាត ទាក់ទាញពីសំណាក់ភ្ញៀវជាតិ អន្តរជាតិ ជាពិសេសគឺមុខមាត់របស់បងប្អូនប្រជាពលរដ្ឋ និងអាជ្ញាធរមូលដ្ឋាន។

លោក យ៉ិន សុខ ម្ចាស់ក្រុមហ៊ុនសាងសង់ផ្លូវបេតុងបានប្រាប់បណ្តាញ់ព័ត៌មាន ឲ្យដឹងថាក្រោមការសាងសង់ផ្លូវមួយខ្សែនេះ លោក និងក្រុមការងារបានធ្វើការយ៉ាងយកចិត្តទុកដាក់បំផុតលើគុណភាព (ប្រវែង, កម្រាស, ការលាយបេតុង, ឈូយឆាយត្រាស់សេ, ក្រាលថ្ម, រែងដែក) ដើម្បីផ្តល់បាននូវភាពរឹងមាំគង់វង់យូរអង្វែង និងត្រូវតាមបច្ចេកទេសរបស់គណៈកម្ការលទ្ធកម្មបានកំណត់ ក្នុងនោះលោកបានផ្តាំផ្ញើរដល់អ្នកបងប្អូនអ្នកប្រើប្រាស់គ្រប់ម្យោបាយ ជាពិសេសគឺក្រុមហ៊ុនគ្រឿងចក្រផ្សេងៗ មិនអាចដឹកលើសទម្ងន់ឆ្លងកាត់ផ្លូវមួយខ្សែនេះបានឡើយ។

ក្នុងឱកាសនោះប្រជាពលរដ្ឋនៅភូមិបន្ទាយប្រិយ៍ជាច្រើននាក់ បានសារទរ និងរីករាយជាខ្លាំងក្រោយទទួលបានផ្លូវបេតុងមួយខ្សែនេះ ដែលពីមុនគឺជាផ្លូវមានគ្រលុក ភក់ជ្រាំ បានបង្កជាផលលំបាក់ក្នុងការធ្វើដំណើរ ស្របពេលជាមួយគ្នានេះពួកកាត់បានបង្ហាញពីចិត្តត្រេកអរក្រៃលែង និងបានអរគុណដល់ថ្នាក់ដឹកនាំគ្រប់ជាន់ថ្នាក់ ជាពិសេសគឺសម្តេចតេជោ ហ៊ុន សែន នាយករដ្ឋមន្ត្រី នេះព្រះរាជាណាចក្រកម្ពុជា ដែលជាម្លប់សន្តិភាពដល់ប្រជាពលរដ្ឋទូរទាំងប្រទេស ប្រជាពលរដ្ឋបានបន្តទៀតថា ដើម្បីបន្តបានការអភិវឌ្ឍន៍ជាបន្តបន្ទាប់ យើងខ្ញុំនឹងបោះឆ្នោតជូនគណបក្សប្រជាជនកម្ពុជា នៅថ្ងៃទី២៣ ខាងមុខ ដែលមានលេខរៀងទី១៨ ជាសម្គាល់៕