បាត់ដំបង៖ លោក ផេង សិទ្ធី អភិលរងខេត្តបាត់ដំបង បានថ្លែងថា អាជ្ញាធរប្តេជ្ញាចូលរួមលុបលំបាត់នូវការដាក់អន្ទាក់ ដែលជាការបំផ្លាញសត្វព្រៃដ៏មានតម្លៃសម្រាប់ទឹកដីខេត្តបាត់ដំបង។
ការលើកឡើងបែបនេះរបស់បែបនេះ បានធ្វើឡើងនាថ្ងៃទី២២ ខែមិថុនា ឆ្នាំ២០២៣ ក្នុងពិធីបើក និងបិទយុទ្ធនាការអន្ទាក់សូន្យក្នុងដំណាក់កាលទី២ ដែលបានរៀបចំឡើងនាខេត្តបាត់ដំបង។
លោក ផេង សិទ្ធី បន្តថា ជាមួយគ្នាក្នុងព្រៃខេត្តបាត់ដំបងត្រូវតែអស់អន្ទាក់ ព្រមជាមួយគ្នានៅតាមភោជនីយដ្ឋានមិនត្រូវមានការលក់មុខម្ហូបធ្វើពីសត្វព្រៃផងដែរ។
ទន្ទឹមនិងនោះ លោកក៏បានអំពាវនាវឱ្យពលរដ្ឋមួយចំនួនដែលកាប់ទន្រ្ទានដីលិចទឹក ទន្រ្ទានដីធនធានធម្មជាតិ និងព្រមជាមួយគ្នាអ្នកដាក់អន្ទាក់សត្វព្រៃត្រូវបញ្ឈប់ សម្លាប់សត្វព្រៃ បើពុំនោះទេពួកគេនឹងប្រឈមផ្លូវច្បាប់ជាក់ជាពុំខាន៕
គួរបញ្ជាក់ថា យុទ្ធនាការអន្ទាក់សូន្យដំណាក់កាលទី២បានធ្វើឡើងចំនួន៦ខេត្តដោយក្នុងនេះចាប់ផ្តើមដំបូងពីខេត្ត ពោធិ៍សាត់ កំពង់ស្ពឺ កោះកុង សៀមរាប និងចុងក្រោយរួមបញ្ចូលគ្នារវាងខេត្ត ប៉ៃលិននិងបាត់ដំបង។ចំណែកយុទ្ធនាការអន្ទាក់សូន្យដំណាក់កាលទី១បានធ្វើឡើងរយៈពេល៦ខែពោលគឺចាប់ពីខែមិនា ឆ្នាំ ២០២២ដល់ខែ កញ្ញា ឆ្នាំ ២០២២ក្នុងខេត្តចំនួន ៦ដូចជា ក្រចេះ ស្ទឹងត្រែង រតនៈគិរី មណ្ឌលគិរី ព្រះវិហារ និងកំពុងធំ៕
