ឧបនាយករដ្ឋមន្ត្រី កែ គឹមយ៉ាន ជួបសំណេះសំណាល និងបំពាក់គ្រឿងឥស្សរិយសជូន អតីតយុទ្ធជន ៨៨៨នាក់ ក្នុងក្រុងសេរីសោភ័ណ្ឌ

ភ្នំពេញ៖ ឯកឧត្តមនាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាអនុប្រធានសមាគមអតីតយុទ្ធជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ ពិធីជួបសំណេះសំណាលសាកសួរសុខទុក្ខនិងបំពាក់គ្រឿងឥស្សរិយសជូនដល់អតីតយុទ្ធជន ក្រុងសេរីសោភ័ណ្ឌខេត្តបន្ទាយមានជ័យ នាព្រឹកថ្ងៃទី២៤ ខែឧសភា ឆ្នាំ២០២៣ នៅសាលាខេត្តបន្ទាយមានជ័យ ។

លោកឧត្តមសេនីយ៍ត្រី ជឹម ប៊ុនអាន ប្រធានសមាគមអតីតយុទ្ធជនកម្ពុជាខេត្តបានលើកឡើងថា អតីតយុទ្ធជននិងគ្រួសារអតីតយុទ្ធជន កំពុងគ្រប់គ្រងមានចំនួន ៦.៤៤៨ នាក់។បានចូលរួមជាសមាជិកសមាគមអតីតយុទ្ធជនមានចំនួន ៥.៤៦៦ នាក់ និងអ្នកក្នុងបន្ទប់ ៨,៦៦ នាក់ ក្នុងនោះមាន :
– គ្រួសារជនពលី ចំនួន ៧៧៩ គ្រួសារ
– គ្រួសារជនមរណៈ ចំនួន ១៤០ គ្រួសារ
– និវត្តជន ចំនួន ២.៣៥៥ នាក់។
– ជនបាត់បង់ ចំនួន៤០ នាក់
– ជនពិការ ចំនួន២៥៥២ នាក់

រាជរដ្ឋាភិបាលបានបន្ថែមរបស់សន្តិសុខសង្គម ៤ កម្រិតផ្សេងៗគ្នា សម្រាប់អតីតយុទ្ធជន ដែលមានប្រាក់ខែទាបបំផុតចំនួន ៧៧០.00០ រៀលក្នុងមួយខែនិងបានឧបត្ថម្ភប្រាំម៉ឺនរៀលសម្រាប់បុណ្យចូលឆ្នាំខ្មែរប្រពៃណីជាតិ។ និងបានបន្ថែមថវិកាចំនួន ២០ ម៉ឺនរៀលក្នុងមួយខែជូនដល់អ្នកបម្រើជនពិការ ប្រភេទ ក-១ មុនឆ្នាំ ២០១៥ ដោយគិតពីខែមករាឆ្នាំ ២០២៣ តមក។

ថ្លែងក្នុងឱកាសជួបសំណេះសំណាលនេះផងដែរ ឯកឧត្តម កែ គឹមយ៉ាន បានមានប្រសាសន៍ថា៖ ក្នុងនាមថ្នាក់ដឹកនាំសមាគមអតីតយុទ្ធជនកម្ពុជា។នៅតែបន្តការថែទាំដល់បងប្អូន អ៊ំ ពូ មីង ជាអតីតយុទ្ធជនឲ្យមានជីវភាពសមរម្យ។

ជាមួយនោះ ឯកឧត្តម ក៏បានសំដែងនូវការកោតសរសើរដោយស្មោះ និងការដឹងគុណចំពោះនាយទាហាន ពលទាហាននិងកងកម្លាំងប្រដាប់អាវុធទាំងអស់ ដែលបានខិតខំបំពេញភារកិច្ចការពារជាតិមាតុភូមិនៃយើង។តាមរយៈសកម្មភាពអតីតយុទ្ធជនយុទ្ធមិត្តយើងបានអនុវត្តកន្លងមកបានបង្ហាញយ៉ាងច្បាស់ថាកងទ័ពគឺពិតជាបានចូលរួមចំណែកយ៉ាងធំធេងក្នុងការជួយដោះស្រាយទុកលំបាករបស់ប្រជាពលរដ្ឋគ្រប់កាលៈទេសៈ។

ចុងបញ្ចប់នៃកម្មវិធីគណៈអធិបតីក៏បានបំពាក់គ្រឿងឥស្សរិយស មេដៃជូនអតីតយុទ្ធជនក្រុងសិរីសោភ័ណ្ឌចំនួន ៨៨៨ នាក់។ដោយក្នុងនោះមានមេដៃអស្សរិទ្ធចំនួន ០៩ មេដៃប្រាក់ ៧១៩ មេដៃនិងមេដៃមាស ១៦០ និងបានឧបត្ថម្ភថវិកាក្នុងម្នាក់ៗចំនួន ៥ ម៉ឺនរៀលផងដែរ ៕