លោកស្រី គឹម សុគន្ធ អញ្ជើញចូលរួមក្នុងកិច្ចពិភាក្សាការងារ រវាងក្រុមសមាជិកព្រឹទ្ធសភាប្រចាំភូមិភាគទី១ និងអាជ្ញាធរខណ្ឌ៧មករា
ភ្នំពេញ៖ លោកស្រី គឹម សុគន្ធ នាព្រឹកថ្ងៃទី២ ខែកុម្ភៈ ឆ្នាំ២០២៣ បានអញ្ជើញចូលរួមក្នុងកិច្ចពិភាក្សាការងារ រវាងក្រុមសមាជិកព្រឹទ្ធសភាប្រចាំភូមិភាគទី១ និងអាជ្ញាធរខណ្ឌ៧មករា រាជធានីភ្នំពេញ។
ក្រុមសមាជិកព្រឹទ្ធសភាប្រចាំភូមិភាគទី១ ដឹកនាំដោយឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុម និងជាប្រធានគណៈកម្មការទី២ព្រឹទ្ធសភា ស្តីពីការអភិវឌ្ឍមូលដ្ឋានសង្កាត់ ខណ្ឌ ការងារភូមិ សង្កាត់មានសុវត្ថិភាព និងការផ្តល់សេវាសាធារណៈ ឆ្ពោះទៅការរៀបចំវេទិកាភូមិភាគទី១នាពេលខាងមុខ។
កិច្ចពិភាក្សានេះ មានការអញ្ជើញចូលរួមពីលោក ថេង សុថុល អភិបាល នៃគណៈអភិបាលខណ្ឌ៧មករា ក្រុមប្រឹក្សាខណ្ឌ សមាជិក សមាជិកាក្រុមប្រឹក្សាសង្កាត់ទាំង៨ អធិការនគរបាលខណ្ឌ ស្មៀនសង្កាត់ទាំង៨ នាយប៉ុស្តិ៍នគរបាលសង្កាត់ទាំង៨ តំណាងយុវជន-នារីខណ្ឌសរុបចំនួន១១០នាក់ ។
ផ្តោតសំខាន់លេីការលំបាក បញ្ហាសេសសល់ និងសំណូមពរអំពី៖
១-ការងារអភិវឌ្ឍន៍មូលដ្ឋានសង្កាត់
២-គោលនយោបាយភូមិ ឃុំ សង្កាត់ សុវត្ថិភាពសាធារណៈ
៣-ការផ្តល់សេវាសាធារណៈជូនប្រជាជន ការងារជំរុញយុវជន-នារី នៅថ្នាក់ខណ្ឌ និងការគ្រប់គ្រងសេដ្ឋកិច្ចសេវាក្រៅប្រព័ន្ធ…៕
