ឯកឧត្ដម ប៉ែន កុសល្យ អញ្ជើញជាអធិបតីភាព ក្នុងពិធីសម្ភោធសមិទ្ធផលផ្លូវបេតុងអាមេមានប្រវែង ១,៣៦០ ម៉ែត្រ និងបើកការដ្ឋានសាងសង់ផ្លូវបេតុងអាមេមានប្រវែង ៨៤៧ ម៉ែត្រ នៅស្រុកចុងកាល់ ខេត្តឧត្ដរមានជ័យ

ភ្នំពេញ៖ ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ នាព្រឹកថ្ងៃសៅរ៍ ២កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៤ ខែធ្នូ ឆ្នាំ២០២២ បានអញ្ជើញជាអធិបតីភាព ក្នុងពិធីសម្ភោធសមិទ្ធផលផ្លូវបេតុងអាមេ មានប្រវែង ១,៣៦០ ម៉ែត្រជាគម្រោងអភិវឌ្ឍស្រុក និងឃុំ ឆ្នាំ២០២២ និងបើកការដ្ឋានសាងសង់ផ្លូវបេតុងអាមេ ប្រវែង ៨៤៧ ម៉ែត្រ ព្រមទាំងអំពូលភ្លើងសូឡា ៧០ដើម ជាគម្រោងអភិវឌ្ឍស្រុក ឆ្នាំ២០២០ ដែលមានទីតាំងនៅភូមិគោកវត្ត ភូមិ ក និងភូមិព្រៃធំ ឃុំចុងកាល់។

ពិធីនេះក៏មានការអញ្ជើញចូលរួមពី ឯកឧត្តម លោកជំទាវ អភិបាលរងខេត្ត លោក លោកស្រីមន្ទីរជុំវិញខេត្ត កម្លាំងប្រដាប់អាវុធទាំង៣ អភិបាល អភិបាលរងស្រុក លោក ប្រធាន និងសមាជិកក្រុមប្រឹក្សាស្រុក មន្ត្រីរាជការស្រុកចុងកាល់ និងប្រជាពលរដ្ឋចូលរួមចំនួន ៣៥០នាក់បានចូលរួមផងដែរ។

ក្នុងឱកាសនោះដែរ ឯកឧត្តមអភិបាលខេត្ត បានឧបត្ថមអំណោយជូនដល់ប្រជាការពារភូមិ ១៤២នាក់ និង គ្រួសារក្រីក្រ ៥០គ្រួសារ ដោយក្នុងមួយគ្រួសារ ទទួលបានអង្ករ ១ ការុង, មី ១កេស, ទឹកស៊ីអ៊ីវ ១យួរ, ត្រីខ ១យួរ, ប្រេងឆា ១ដប, ប៊ីចេង ១កញ្ចប់ និងលោកគ្រូអ្នកគ្រូ សិស្សានុសិស្សក្នុងម្នាក់ថវិកា ២០,០០០រៀល ផងដែរ ៕