ប្រទេសចិនរំពឹងថានឹងមានការបង្កើនការធ្វើដំណើរតាមផ្លូវរថភ្លើងនៅពេលថ្ងៃឈប់សម្រាកជិតបញ្ចប់
ប៉េកាំង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៦ ខែតុលា ឆ្នាំ២០១៨ថា ប្រទេសចិនត្រូវបានគេរំពឹងថា នឹងឃើញអ្នកដំណើរតាមផ្លូវរថភ្លើងចំនួន៦.៥៥លាននាក់ នៅថ្ងៃព្រហស្បតិ៍ ដែលជាថ្ងៃទី៦ នៃថ្ងៃឈប់សម្រាកបុណ្យជាតិពេញមួយសប្តាហ៍ ខណៈដែលអ្នកធ្វើដំណើរកាន់តែច្រើនចាប់ផ្តើមធ្វើដំណើរត្រឡប់មកវិញ នេះបើយោងតាមប្រតិបត្តិករផ្លូវដែកជាតិ។
យោងតាមក្រុមហ៊ុន China State Railway Group Co., Ltd បានឱ្យដឹងថា រថភ្លើងសរុបចំនួន ៨,១៤៤ ត្រូវបានរៀបចំដើម្បីដោះស្រាយការប្រញាប់ប្រញាល់ក្នុងការធ្វើដំណើរកាលពីថ្ងៃព្រហស្បតិ៍។
ប្រតិបត្តិករផ្លូវដែកបានអោយដឹងថា កាលពីថ្ងៃពុធ ផ្លូវដែករបស់ប្រទេសចិនបានឃើញការធ្វើដំណើរអ្នកដំណើរប្រហែល ៦.១២ លាននាក់។
អាជ្ញាធរផ្លូវដែកក្នុងតំបន់បានកែលម្អសេវាកម្ម និងការគ្រប់គ្រងសុវត្ថិភាព ដើម្បីធានាបាននូវការធ្វើដំណើរដោយរលូនសម្រាប់អ្នកដំណើរ។
ផ្លូវដែករបស់ប្រទេសចិនត្រូវបានគេរំពឹងថានឹងគ្រប់គ្រងការធ្វើដំណើររបស់អ្នកដំណើរចំនួន ៦៨.៥ លាននាក់ក្នុងអំឡុងពេលនៃថ្ងៃឈប់សម្រាកបុណ្យជាតិរយៈពេល ១១ ថ្ងៃ ដែលមានរយៈពេលពីថ្ងៃទី ២៨ ខែកញ្ញាដល់ថ្ងៃទី ៨ ខែតុលា ឆ្នាំ ២០២២។
