ឯកឧត្ដម វ៉ី សំណាង អញ្ជើញចូលរួមពិធីសម្ពោធសមិទ្ធផល កីឡដ្ឋានខេត្តកំពង់ស្ពឺ ក្រោមអធិបតីភាព ឧបនាយករដ្ឋមន្រ្តី ជា សុផារ៉ា

ភ្នំពេញ៖ ឯកឧត្ដម វ៉ី សំណាង អភិបាលខេត្តកំពង់ស្ពឺ នាព្រឹកថ្ងៃទី៦ ខែកញ្ញា ឆ្នាំ២០២២នេះ បានអញ្ជើញចូលរួមពិធីសម្ពោធសមិទ្ធផល កីឡដ្ឋានខេត្តកំពង់ស្ពឺ ក្រោមអធិបតីភាព ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

សមិទ្ធផលកីឡដ្ឋានដ៏ប្រណិត និងស្តង់ដារនេះ ត្រូវបានផ្តួចផ្តើមគំនិតសាងសង់ដោយ ឯកឧត្តម ហ៊ុន ម៉ានី និងក្រុមការងារ ដោយបានកៀរគរការឧបត្ថម្ភគាំទ្រពីសប្បុរសជនជាតិ និងអន្តរជាតិ កាលពីឆ្នាំ២០១៨ និងបានបើកការដ្ឋានសាងសង់ក្នុងឆ្នាំ២០២១ ប្រើប្រាស់ថវិកាប្រមាណជិត ៣លាន ដុល្លារ។

សូមបញ្ជាក់ថា កីឡដ្ឋានខេត្តកំពង់ស្ពឺត្រូវបានសាងសង់លើផ្ទៃដីទំហំ ៤៤៣.៤០២ ម៉ែត្រក្រឡា ដែលមានទីតាំងស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ។