ឃាត់ខ្លូនក្មេងទំនើង ២នាក់ នៅស្រុកបាកាន ករណីជិះម៉ូតូដាក់កាំបិតតាមខ្លួន
ពោធិ៍សាត់៖ ក្មេងទំនើងជិះម៉ូតូដាក់កាំបិតផ្គាក់តាមខ្លួន ២នាក់ ត្រូវបានកម្លាំងនគរបាលស្រុកបាកាន ឃាត់ខ្លួនកាលពីថ្ងៃទី៣១ ខែសីហា ឆ្នាំ២០២២ ខណៈកម្លាំងសមត្ថកិច្ចកំពុងដើរល្បាត នៅតាមមូលដ្ឋាន ស្ថិតនៅភូមិអណ្តូងក្រសាំង ឃុំស្នាមព្រះ ស្រុកបាកាន ខេត្តពោធិ៍សាត់។
នគរបាលស្រុកបាកានបានឲ្យដឹងថា ក្មេងទំនើងដែលសមត្ថកិច្ចឃាត់ខ្លួននោះមានឈ្មោះលន វិច្ឆិកា ភេទប្រុសអាយុ ១៧ ឆ្នាំរស់នៅភូមិកោះក្រសាំង ឃុំស្នាមព្រះ ស្រុកបាកាន ខេត្តពោធិសាត់ និង ឈ្មោះភណ្ឌ ផារីន ភេទប្រុសអាយុ ១៩ ឆ្នាំរស់នៅភូមិជើងភ្លើង ឃុំស្នាមព្រះ ស្រុបាកាន ខេត្តពោធិសាត់។
បច្ចុប្បន្នជនសង្ស័យ ២នាក់រួមនិងវត្ថុតាងមានកាំបិតផ្គាក់ចំនួន ២ ដើម ដាវចំនួន១ដើម និង ម៉ូតូ ចំនួន២ គ្រឿងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកបាកាន។
គួរកត់សំគាល់ថា នៅប៉ុន្មានខែចុងក្រោយនេះសកម្មភាពក្មេងទំនើង បញ្ហាចោរឆក់ ចោរលួច លួចដោយ ប្រើហឹង្សា បញ្ហាល្បែងស៊ីសង បៀរ អាប៉ោង ឆ្នោត និង មាន់ជុលនៅតាមមូលដ្ឋានគឺនៅតែបន្ត កើតមានជាហូរហែរបើទោះបីជាមានការបង្ក្រាបពីសំណាក់កម្លាំងសមត្ថកិច្ចយ៉ាងណាក្តី៕
