ភ្នំពេញ៖ ប្រភពពីសមត្ថកិច្ចបានឲ្យដឹងថា ក្មេងប្រុសអាយុជាង១០ឆ្នាំម្នាក់នៅក្រុងព្រះសីហនុ លង់ទឹកសមុទ្រស្លាប់ ចំណែក២នាក់ទៀត រួចផុតពីគ្រោះភ័យ ក្នុងពេលក្មេងប្រុសទាំង៣នាក់នាំគ្នាចុះលេងទឹកសមុទ្រ នៅចុងឆ្នេរអូរ ឈើទាលក្រុងព្រះសីហនុ ពេលមានរលកខ្លាំង នៅល្ងាចថ្ងៃ២៤ ខែសីហា ឆ្នាំ២០២២។
ក្រោយកើតហេតុ សាកសពក្មេងរងគ្រោះបានរសាត់បាត់ ហើយភ្លាមសមត្ថកិច្ចនិងក្រុមសង្គ្រោះ រួមមានខាងម៉ូតូទឹក និងក្រុមការងារសង្គ្រោះរបស់លោកឧកញ៉ា ទៀ វិចិត្រក៏បានបញ្ចេញអូបរ័ល្បឿនលឿន ចុះទៅអន្តរាគមន៍ជួយស្វែងរកសាកសព ហើយបច្ចុប្បន្នសាកសពបានរកឃើញហើយ៕
