ឯកឧត្តមបណ្ឌិត ហ៊ុន ម៉ាណែត និងលោកជំទាវ ផ្ដល់ដ្រូន និងសម្ភារៈកសិកម្ម ព្រមទាំងសម្ភារៈការិយាល័យជូនដល់ សាកលវិទ្យាល័យភូមិន្ទកសិកម្ម

ភ្នំពេញ៖ ឯកឧត្តមបណ្ឌិត ម៉ឹង មករា ប្រធានសមាគមយុវជនក្រុម៨ និងសហការី នៅថ្ងៃទី២២ ខែសីហា ឆ្នាំ២០២២ បានចូលរួមក្នុងពិធីប្រគល់ទទួលដ្រូន និងសម្ភារៈកសិកម្ម ព្រមទាំងសម្ភារៈការិយាល័យ ដែលជាអំណោយដ៏ថ្លៃថ្លារបស់ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ដល់សាកលវិទ្យាល័យភូមិន្ទកសិកម្ម។

អំណោយទាំងនេះ គឺជាការចូលរួមចំណែកជាមួយសាកលវិទ្យាល័យ ក្នុងការធ្វើទំនើបកម្មបណ្តុះបណ្តាលលើវិស័យកសិកម្ម ដល់និស្សិតដែលកំពុងទទួលការសិក្សានៅសាកលវិទ្យាល័យ។

វិស័យកសិកម្មនៅកម្ពុជា នឹងមានការអភិវឌ្ឍន៍រីកចម្រើនទៅបាន ចាំបាច់ត្រូវមានធនធានមនុស្សដែលមានជំនាញច្បាស់លាស់លើវិស័យកសិកម្ម ដើម្បីទាក់ទាញស្រូបយកការវិនិយោគលើវិស័យកសិកម្មទាំងក្នុងស្រុក និងមកពីបរទេស។

សាកលវិទ្យាល័យភូមិន្ទកសិកម្មមានតួនាទីសំខាន់ណាស់ ចំពោះវិស័យកសិកម្ម ដែលជាវិស័យអាទិភាពមួយរបស់រាជរដ្ឋាភិបាលកម្ពុជា ក្នុងការជំរុញកំណើនសេដ្ឋកិច្ចជាតិ និងការកាត់បន្ថយភាពក្រីក្ររបស់ប្រជាពលរដ្ឋ៕