លោកជំទាវ ម៉ែន សំអន និង លោកជំទាវ ង្វៀន ធីថាញ់ រួមជាមួយគណៈប្រតិភូ អញ្ជើញទស្សៈកិច្ចប្រាសាទអង្គរវត្ត

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមមិត្តភាពកម្ពុជា-វៀតណាម និង លោកជំទាវ ង្វៀន ធីថាញ់ (Nguyen Thi Thanh) សមាជិកគណៈកម្មាធិការមជ្ឈឹម នៃបក្សកុម្មុយនិស្តវៀតណាម ជាសមាជិកគណៈកម្មាធិការអចិន្ត្រៃយ៍ នៃរដ្ឋសភា ជាប្រធានគណៈកម្មការទទួលបន្ទុកការងារ រដ្ឋសភា និងជាអនុប្រធានគណៈចាត់តាំងមជ្ឈឹម បានអញ្ជើញទស្សនាអង្គរវត្ត នៃខេត្តសៀមរាប នារសៀលថ្ងៃទី៣ ខែសីហា ឆ្នាំ២០២២។

គួរំលឹកដែរថា គណៈប្រតិភូបានអញ្ជើញមកបំពេញទស្សនៈកិច្ចជាផ្លូវការរយៈពេល ៤ថ្ងៃ គិតចាប់តាំងពី ថ្ងៃទី ០១-០៤ ខែសីហា ឆ្នាំ២០២២ ក្នុងរយៈពេលបំពេញទស្សនៈកិច្ចនេះ គណៈប្រតិភូបានចូលជួប សម្តែងការគួរសមជាមួយ ៖

១.លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមមិត្តភាពកម្ពុជា-វៀតណាម

២.សម្តេចអគ្គមហាពញ្ញាចក្រី ហេង សំរិន ប្រធានរដ្ឋសភាជាតិ នៃព្រះរាជាណាចក្រកម្ពុជា
៣.សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា

៤.សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងតាមកម្មវិធីមួយចំនួនទៀតដែលបានគ្រោងទុក ហើយគណៈប្រតិភូនឹងចាកចេញពីព្រះរាជាណចក្រ កម្ពុជា ត្រលប់ទៅកាន់មាតុប្រទេសវិញនៅថ្ងៃស្អែក៕