កម្ពុជា គឺជាប្រទេសប្រជាធិបតេយ្យសេរីពហុបក្ស ប្រជាពលរដ្ឋជាម្ចាស់ប្រទេស មានសិទ្ធិក្នុង ការជ្រើសរើសអ្នកដឹកនាំរបស់ខ្លួនតាមរយៈការបោះឆ្នោត
ភ្នំពេញ៖ ឧត្តមសេនីយ៏ឯក ហ៊ុន ម៉ាណែត បានលើកឡើងថា ប្រទេសកម្ពុជា គឺជាប្រទេសប្រជាធិបតេយ្យ សេរីពហុបក្ស ដូច្នេះប្រជាពលរដ្ឋជាម្ចាស់ប្រទេស មានសិទ្ធិក្នុងការជ្រើសរើសអ្នកដឹកនាំរបស់ខ្លួន តាមរយៈការបោះឆ្នោត។
ឯកឧត្ដម ហ៊ុន ម៉ាណែត បានឲ្យដឹងថា ទ្រព្យធំបំផុតរបស់គណបក្សប្រជាជនកម្ពុជា គឺជាជំនឿទុកចិត្ត របស់ប្រជាពលរដ្ឋ។ ក្នុងន័យនេះ សូមអរគុណដល់ប្រជាពលរដ្ឋនៅមូលដ្ឋានឃុំគងជ័យ ស្រុកអូររាំងឪ និងខេត្តត្បូងឃ្មុំ ក៏ដូចជានៅ ទូទាំងប្រទេស ដែលបានគោរពស្រឡាញ់សម្តេចតេជោ និងបានបោះឆ្នោត ជូនគណបក្ស ប្រជាជនកម្ពុជាក្នុងគ្រប់អាណត្តិនយោបាយកន្លងមក ទាំងនៅកម្រិតថ្នាក់ជាតិ និងថ្នាក់មូលដ្ឋាន។
ឯកឧត្ដម បញ្ជាក់ថា “ ប្រទេសកម្ពុជា គឺជាប្រទេសប្រជាធិបតេយ្យសេរីពហុបក្ស ដូច្នេះប្រជាពលរដ្ឋ ជាម្ចាស់ប្រទេស មានសិទ្ធិក្នុងការជ្រើសរើសអ្នកដឹកនាំរបស់ខ្លួនតាមរយៈការបោះឆ្នោត។ ពិតណាស់ យើងមានគណបក្សនយោបាយច្រើនដែលបានចូលរួមនៅក្នុងការប្រកួតប្រជែង ប៉ុន្តែប្រជាពលរដ្ឋនៅ តែស្រឡាញ់ជឿទុកចិត្តលើការដឹកនាំរបស់គណបក្សប្រជាជនកម្ពុជា ដែលបានសង្គ្រោះ បម្រើ និងការពារប្រជាពលរដ្ឋដោយស្មោះត្រង់ក្នុងគ្រប់កាលៈទេសៈ ហើយជាគណបក្សដែលមានគោល នយោបាយច្បាស់លាស់ និងមានរចនាសម្ព័ន្ធចាត់តាំងយ៉ាងរឹងមាំពីថ្នាក់កណ្តាល រហូតដល់ថ្នាក់ មូលដ្ឋាន ដែលអាចដឹងច្បាស់ និងដោះស្រាយបានទាល់ពេលវេលានូវទុក្ខលំបាករបស់ប្រជាពលរដ្ឋ”។
ឯកឧត្ដមឧត្តមសេនីយ៏ឯកបន្ថែមថា ជាសក្ខីភាពជាក់ស្តែង គណបក្សប្រជាជនកម្ពុជាបានទទួលការគាំ ទ្រយ៉ាងលើសលប់ក្នុងការ បោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ កន្លងមកនេះ ដែលជាការផ្តល់ឱកាសឱ្យ គណបក្សប្រជាជនកម្ពុជានៅបន្តដឹកនាំការអភិវឌ្ឍរីកចម្រើននៅតាមមូលដ្ឋាន និងលើកកម្ពស់ជីវភាព រស់នៅរបស់ប្រជាជនឱ្យបានល្អប្រសើរឡើងបន្ថែមទៀត៕
