លោក មូល វិចិត្រ អភិបាលរងខេត្តតាកែវ អញ្ជើញប្រកាសសុពលភាពសមាជិក ក្រុមប្រឹក្សាឃុំចារ ស្រុកព្រៃកប្បាស សម្រាប់អាណត្តិទី៥
ភ្នំពេញ៖ លោក មូល វិចិត្រ អភិបាលរង នៃគណៈអភិបាលខេត្តតាកែវ នៅថ្ងៃចន្ទ ទី០៤ ខែកក្ដដា ឆ្នាំ២០២២ បានអញ្ជើញជាអធិបតីក្នុងពិធីប្រកាសសុពលភាពសមាជិកក្រុមប្រឹក្សាឃុំចារ អាណត្តិទី៥ ឆ្នាំ២០២២ ។
ដែលពិធីនេះ ក៏មានការអញ្ជេីញចូលរួមពី លោក ញ៉ែម ស្រស់ អភិបាលស្រុកព្រៃកប្បាស លោក ជឹម សាវ រី នាយកទី ចាត់ ការគ្រប់គ្រងធនធានមនុស្សសាលាខេត្ត លោក លោកស្រី សមាជិកក្រុមប្រឹក្សាស្រុក លោកអភិបាលរងស្រុក លោក នាយករដ្ឋបាលសាលាស្រុក កងកម្លាំងប្រដាប់អាវុធទាំង៣ ប្រភេទ លោកមេឃុំ និងស្មៀនឃុំគ្រប់ឃុំ លោកមេភូមិ និងបងប្អូនប្រជាពលរដ្ឋ ចូលរួមប្រមាណជាង ១៥០នាក់ផងដែរ។
មានមតិសំណេះសំណាល នាឱកាសនោះផងដែរ លោកអភិបាលរងខេត្តតាកែវ បានមានប្រសាសន៍ថា លោក លោកស្រី ដែលជាសមាជិកក្រុមប្រឹក្សាឃុំ ដែលប្រកាសសុពលភាពនាពេលនេះ ត្រូវបន្តកសាងអភិវឌ្ឍន៍នៅមូលដ្ឋានឱ្យកាន់តែរីក ចម្រើនជឿនលឿនទ្វេរឡើង ជាពិសេស ដោះស្រាយបញ្ហា និងបំពេញសេចក្តីត្រូវការរបស់ប្រជាពលរដ្ឋ ដែលជាម្ចាស់ឆ្នោតឱ្យបានល្អប្រសើរជាងអាណត្តិមុនៗ សំដៅចូលរួមចំណែកកាត់បន្ថយភាពក្រីក្រ ស្របតាមគោលនយោបាយដ៏ត្រឹមត្រូវ របស់រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕
