រដ្ឋបាលខេត្តស្វាយរៀង រៀបចំកិច្ចប្រជុំក្រុមប្រឹក្សាសមាគមលើកទី២ អាណត្តិទី៤ របស់សមាគមក្រុមប្រឹក្សាក្រុង ស្រុក ឃុំ សង្កាត់ នៃខេត្តស្វាយរៀង

ស្វាយរៀង៖ នាព្រឹកថ្ងៃទី២២ ខែមករា ឆ្នាំ២០២៦នេះ ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង ឯកឧត្តម សយ កុសល ប្រធានសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន និងលោក រស់ ដារិទ្ធ អភិបាលរងខេត្តស្វាយរៀង តំណាងឯកឧត្តម ប៉េង ពោធិ៍សា អភិបាលខេត្ត បានអញ្ជេីញជាអធិបតីក្នុងកិច្ចប្រជុំក្រុមប្រឹក្សាសមាគមលើកទី២ អាណត្តិទី៤ របស់សមាគមក្រុមប្រឹក្សាក្រុង ស្រុក ឃុំ សង្កាត់ នៃខេត្តស្វាយរៀង នៅសាលប្រជុំធំអាគារ ឃ សាលាខេត្ត។

កិច្ចប្រជុំនេះក៏មានការអញ្ជេីញចូលរួមពីសំណាក់ លោកនាយករងរដ្ឋបាលសាលាខេត្ត លោកប្រធាន អនុប្រធានសមាគមថ្នាក់មូលដ្ឋានខេត្ត លោកប្រធានក្រុមប្រឹក្សាក្រុង ស្រុកទាំង៨ លោកអភិបាលក្រុង ស្រុកទាំង៨ លោក លោកស្រីប្រធានមន្ទីរ អង្គភាពពាក់ព័ន្ធ-លោក លោកស្រីនាយកទីចាត់ការចំណុះសាលាខេត្ត លោកនាយករដ្ឋបាលសាលាក្រុង ស្រុក លោក លោកស្រីសមាជិកក្រុមប្រឹក្សាក្រុង ស្រុក លោក លោកស្រីជាមេឃុំ ចៅសង្កាត់ទាំង៨០ សរុបវត្តមាន ១៧៣នាក់៕