ឯកឧត្តម ឡោ រស្មី និងលោក ភុំ រ៉ា អញ្ជើញសំណេះសំណាលនិងថ្លែងអំណរគុណសមាជិក សមាជិកា គណបក្សប្រជាជននៅឃុំទឹកជ្រៅ និងឃុំចុងជាច ស្រុកតំបែរ

ភ្នំពេញ៖ ឯកឧត្តម ឡោ រស្មី អនុប្រធានក្រុមការងារចុះជួយស្រុកតំបែរ និងលោក ភុំ រ៉ា ប្រធានក្រុមការងារចុះជួយឃុំទឹកជ្រៅ និងឃុំចុងជាច នៅថ្ងៃទី០២ ខែកក្តដា ឆ្នាំ២០២២ បានអញ្ជើញជួបសំណេះសំណាល ថ្លែងអំណរគុណ និងនាំយកថវិកាឯកឧត្តម វេង សាខុន ប្រធានក្រុមការងារថ្នាក់កណ្តាលចុះជួយស្រុកកំពង់សៀម ស្រុកជើងព្រៃ ខេត្តកំពង់ចាម និងស្រុកតំបែរ ខេត្តត្បូងឃ្មុំ ទៅជូនសមាជិក សមាជិកាគណបក្សក្នុងឃុំទាំងពីរ ដើម្បីអបអរសាទរដែលឃុំទាំងពីរដែលបានទទួលសម្លេងឆ្នោតគាំទ្រដ៏លើសលុបនៃការបោះឆ្នោតជ្រើសរើសក្រុមប្រឹក្សាឃុំ.សង្កាត់ អាណត្តិទី៥កន្លងទៅថ្មីៗនេះ។

លោក ភុំ រ៉ា និង ឯកឧត្តម ឡោ រស្មី មានប្រសាស៍ថាថ្នាក់ដឹកនាំ និងមន្ត្រីគណបក្សយើងបានបំពេញតួនាទី និងភារកិច្ចរបស់ខ្លួនក្នុងការបម្រើប្រជាពលរដ្ឋដល់មូលដ្ឋានយ៉ាងសកម្មលើគ្រប់វិស័យជាប់ជាប្រចាំ។ ជ័យជំនះនេះជាឱកាសដ៏ប្រព្រៃសម្រាប់បងប្អូនយើងដែលជាក្រុមការងារ សមាជិក សមាជិកា និងសកម្មជននៅតាមមូលដ្ឋាន យល់កាន់តែច្បាស់អំពីសមិទ្ធផល ការប្តេជ្ញាចិត្ត និងទិសដៅការងារ ដែលយើងត្រូវបន្តអនុវត្តស្រប តាមកម្មវិធីនយោបាយរបស់គណបក្ស ដើម្បីឧត្តមប្រយោជន៍ជាតិ មាតុភូមិ និងប្រជាជនកម្ពុជា៕