ឯកឧត្តម ខូយ រីដា អញ្ជើញទទួលថវិកាពីសប្បុរសជននានា ដើម្បីចូលរួមចំណែកជួយឧបត្ថម្ភដល់កងកម្លាំងយោធាជួរមុខ និងជនភៀសខ្លួន

ពោធិ៍សាត់៖ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ នាថ្ងៃសៅរ៍ ទី១៦ ខែសីហា ឆ្នាំ២០២៥ នៅសាលាខេត្ត អគាររដ្ឋបាលខេត្ត បានទទួលថវិកាពីសប្បុរសជនក្នុង-ក្រៅខេត្ត និងក្រៅប្រទេស ដែលបានចូលរួមចំណែកជួយឧបត្ថម្ភដល់កងកម្លាំងយោធាជួរមុខ និងជនភៀសខ្លួន, ការចូលរួមចំណែកសាងសង់អគារពហុព្យាបាល និងសង្គ្រោះបន្ទាន់ នៃមន្ទីរពេទ្យបង្អែកខេត្ត និងការចូលរួមចំណែកធ្វើអណ្តូងទឹក។

ឯកឧត្តម បានថ្លែងអំណរគុណយ៉ាងជ្រាលជ្រៅបំផុតដល់ សប្បុរសជនក្នុង-ក្រៅខេត្ត និងក្រៅប្រទេស ដែលបានប្រគល់ថវិកា ជូនរដ្ឋបាលខេត្តពោធិ៍សាត់ សម្រាប់បែងចែកជូនដល់កងកម្លាំងយោធាជួរមុខ និងជនភៀសខ្លួន និងការចូលរួមចំណែកសាងសង់អគារពហុព្យាបាល និងសង្គ្រោះបន្ទាន់ នៃមន្ទីរពេទ្យបង្អែកខេត្ត និងការចូលរួមចំណែកធ្វើអណ្តូងទឹក។

ថវិកាដែលបានចូលរួមឧបត្ថម្ភ ចេញពីទឹកចិត្តដ៏ល្អថ្លៃថ្លា និងជាកម្លាំងញើសឈាមរបស់បងប្អូន ជាគំរូវីរភាព ដ៏ឧត្តុង្គឧត្តមសម្រាប់ជាគុណប្រយោជន៍ និងបានជួយដល់ការងារមនុស្សធម៌ ជូនប្រជាពលរដ្ឋដែលរងទុក្ខលំបាកពិតប្រាកដ និងជួយដល់កងកម្លាំងជួរមុខ និងជនភៀសខ្លួន ការចូលរួមចំណែកសាងសង់អគារពហុព្យាបាល និងសង្គ្រោះបន្ទាន់ នៃមន្ទីរពេទ្យបង្អែកខេត្ត និងការចូលរួមចំណែកធ្វើអណ្តូងទឹក៕