ភរិយាសពវីរកងទ័ពពលីនៅលើសមរភូមជួរមុខ សម្តែងនូវការអរគុណយ៉ាងជ្រាលជ្រៅក្រៃលែងជូនចំពោះសម្តេចធិបតី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត
ត្បូងឃ្មុំ៖ លោកស្រី ប៉ិច គន្ធា ដែលជាភរិយានៃសពអនុសេនីយឯក អ៊ុន វណ្ណា វីរកងទ័ពពលីនៅលើសមរភូមិមុខ បានថ្លែងអំណរគុណ ជូនចំពោះសម្តេចធិបតី និងលោកជំទាវបណ្ឌិត ដែលបានផ្តល់នូវថវិកាគោលនយោបាយ និងសារលិខិតរំលែកទុក្ខរបស់រាជរដ្ឋាភិបាល មកប្រគល់ជូនដោយផ្ទាល់ តាមរយៈឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ និង ជាតំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិតពេជ ចន្ទមុនី នៅភូមិបុរីតេជោសែនកើត ឃុំដា ស្រុកមេមត់ ខេត្តត្បូងឃ្មុំ នាថ្ងៃទី១ ខែសីហា ឆ្នាំ២០២៥ ។
ដោយសំឡេងក្តុុកក្តួល អួលដើម លោកស្រី ប៉ិច គន្ធាបានបង្ហាញពីការដឹងគុណចំពោះថ្នាក់ដឹកនាំ ដែលមាន សម្តេចអគ្គមាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជានិងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចំពោះការយលចិត្តទុកដាក់ធ្វើឱ្យលោកស្រីមានភាពកក់ក្តៅក្នុងជីវិតឡើងវិញ នាវេលាដែលបាត់បង់បង្គោលគ្រួសារ គឺវីរកងទ័ព អ៊ុន វណ្ណា អនុសេនីយឯក នៅកងពលតូចថ្មើជើងលេខ២១ ចំណុះយោធភូមិភាគ២ ដែលបានពលីជីវិតក្នុងជន្មាយុ៥៥ឆ្នាំក្នុងបុព្វហេតុការពារបូរណភាពទឹកដី នៅលើសមរភូមិប្រយុទ្ធដែលឈរជើងនៅចំណុចតំបន់ប្រាសាទតាក្របី។
ជាមួយគ្នានេះ លោកស្រី ប៉ិច គន្ធា ក៏បានគោរពជូនពរដល់សម្តេចអគ្គមាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជានិងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត សូមទទួលបាននូវពុទ្ធពរទាំង ៥ប្រការគឺអាយុ វណ្ណៈ សុឃៈ ពលៈ និងបដិភានៈគម្បីឃ្លៀងឃ្លាតឡើយ ហើយសូមសម្តេចមានសុខភាពល្អបរិបូណ៌ ឈ្នះអស់មាសត្រូវ ដែលមានបំណងប៉ងយាយី និងបំពានលើទឹកដីដូនតារបស់កម្ពុជា សូមឱ្យកម្ពុជាបានសុខក្រោមម្លប់សន្តិភាពជានិច្ចនិរន្តរ៍៕
