រថយន្តដឹកអ្នកទោសបើកបញ្រ្ចាសទិស ជ្រុលទៅបុករថយន្តដឹកទឹកកក និងរថយន្តព្រូសមួយគ្រឿងទៀតរងការខូចខាត សំណាងល្អមិនមានអ្នករងរបួស

ភ្នំពេញ÷រថយន្តដឹកអ្នកទោសចេញពីពន្ធនាគារព្រៃស មួយគ្រឿងប្រញាប់ដឹកអ្នកទោសទៅកាន់តុលាការ បើកបញ្រ្ចាសទិសជ្រុលទៅបុករថយន្តដឹកទឹកក និងរថយន្តព្រូសមួយគ្រឿងទៀតរងការខូចខាតយ៉ាងដំណំ ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង៧និង១៥នាទី ថ្ងៃទី៤ ខែកក្កដា ឆ្នាំ២០២៥ ស្ថិតនៅតាមបណ្តោយផ្លូវ២១៧ ភូមិម័ល សង្កាត់ដង្កោ ខណ្ឌដង្កោ រាជជានីភ្នំពេញ។

យោងតាមប្រភពព័ត៍មាននៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់រួមនិងព្រូរថយន្តម្នាក់ទៀត បើករថយន្តដឹកទឹកកកមួយគ្រឿង តាមបណ្តោយផ្លូវ២១៧ក្នុងទិសដៅពីជើងទៅត្បូង ស្របពេលនោះក៏មានរថយន្តដឹកអ្នកទោសមួយគ្រឿងបើកបញ្រ្ចាសទិសក្នុងទិសដៅពីត្បូងទៅជើង បានជ្រុលចង្កូតទៅបុករថយន្តដឹកទឹកកកដែលនៅខាងមុខ ខ្ទាតទៅបុកផ្ទប់ជាមួយរថយន្តព្រូសមួយគ្រឿងទៀតបណ្តាលឲ្យរងការខូចខាតយ៉ាងដំណំ។

ក្រោយពេលកើតហេតុសមត្ថកិច្ចមូលដ្ឋានប៉ុស្តិនគរបាលរដ្ឋបាលសង្កាត់ព្រៃស សហការជាមួយកម្លាំងជំនាញនគរបាលចរាចរណ៍ខណ្ឌដង្កោ ចុះមកធ្វើការវាស់វែង និងយករថយន្តទាំង៣គ្រឿង អែបខាងដើម្បីបញ្ជៀសការកកស្ទះចរាចរណ៍ ដោយខាងភាគីរថយន្តដឹកអ្នកទោសដែលជិះបញ្រ្ចាសទិស បានចេញសងថ្លៃខូចខាតរថយន្តដឹកទឹកកកនិងរថយន្តព្រូសដើម្បីបញ្ចប់រឿងនៅទីតាំងកើតហេតុតែម្តង៕