បរទេស៖ កាសែត Bild របស់ប្រទេសអាល្លឺម៉ង់បានរាយការណ៍ថា មនុស្សចំនួន ១៨នាក់បានរងរបួសនៅក្នុងហេតុការណ៍វាយប្រហារដោយកាំបិតនៅទីក្រុង Hamburg កាលពីល្ងាចថ្ងៃសុក្រ ទី២៣ ខែឧសភា ខណៈជនសង្ស័យជាឃាតកត្រូវប៉ូលិសក្នុងតំបន់ក្របួចបាន។
ការសែតខាងលើបានរាយការណ៍ថា ជនរងគ្រោះ ៤នាក់ស្ថិតក្នុងស្ថានភាពសង្គ្រោះបន្ទាន់ និង ៦នាក់ផ្សេងទៀតបានរងរបួសយ៉ាងធ្ងន់ធ្ងរ ដោយមូលហេតុនៃការវាយប្រហារនេះគឺមិនច្បាស់នោះឡើយ។ ប៉ូលិសបានលម្អិតថា ជនសង្ស័យ ដែលជាជនដៃដល់គឺជាស្ត្រីអាយុ ៣៩ឆ្នាំ។
អ្នកនាំពាក្យប៉ូលិសក្រុង Hamburg លោក ផ្លរៀន អាប់ប៊ិនសិត (Florian Abbenseth) បានលើកឡើងថា ៖«រហូតមកដល់ពេលនេះ យើងមិនមានភស្តុតាងដែលអាចសន្មតបានថា ស្ត្រីរូបនោះប្រព្រឹត្តបទល្មើសដោយសារតែរឿងនយោបាយនោះទេ។ ឥឡូវនេះយើងកំពុងស៊ើបអង្កេតជាពិសេស ថាតើជនសង្ស័យរូបនោះស្ថិតក្នុងស្ថានភពមានបញ្ហាផ្លូវចិត្ត ឬអត់»។
ជាចុងក្រោយ អធិការបតីអាល្លឺម៉ង់ លោក ហ្វ្រីឌ្រីក ម៉ើស (Friedrich Merz) បានបញ្ជាក់នៅក្នុងការបង្ហោះនៅលើប្រព័ន្ធផ្សព្វផ្សាយសង្គម X ថា៖«ព័ត៌មាននៅទីក្រុង Hamburg គឺគួរឱ្យភ្ញាក់ផ្អើលណាស់។ ចិត្តគំនិតរបស់ខ្ញុំគឺគិតអំពីជនរងគ្រោះ និងក្រុមគ្រួសាររបស់ពួកគេ»៕
