ប្រទេសចិនរីកចម្រើនគួរឱ្យកត់សម្គាល់ក្នុងបច្ចេកវិទ្យាថាមពលនុយក្លេអ៊ែរ ដោយបានបង្ហាញថ្មនុយក្លេអ៊ែរដែលមានទំហំតូចបំផុត
ចិន៖ ប្រទេសចិនបានធ្វើការរីកចម្រើនគួរឱ្យកត់សម្គាល់ក្នុងបច្ចេកវិទ្យាថាមពលនុយក្លេអ៊ែរ ដោយបានបង្ហាញថ្មនុយក្លេអ៊ែរដែលមានទំហំតូចបំផុត (ទំហំប៉ុនលុយកាក់សេនរបស់ចិន) ដែលមានសមត្ថភាពផ្តល់ថាមពលដល់ឧបករណ៍ក្នុងរយៈពេលដ៏យូរអស្ចារ្យដោយមិនចាំបាច់បញ្ចូលថ្មឡើងវិញ។
ថាមពលដ៏តូចនេះ ត្រូវបានអភិវឌ្ឍដោយក្រុមហ៊ុន Betavolt ដែលមានមូលដ្ឋាននៅទីក្រុងប៉េកាំង និងជាគម្រោងមហិច្ឆតាទីពីរដែលដឹកនាំដោយសាកលវិទ្យាល័យ Northwest Normal សន្យាថានឹងបង្កើតយុគសម័យថ្មី ដែលអំណាចមិនគ្រាន់តែមានរយៈពេលជាច្រើនថ្ងៃ ឬច្រើនខែប៉ុណ្ណោះ ប៉ុន្តែវាមានរយៈពេល ៥០ ទៅ ១០០ ឆ្នាំ។
ខណៈពេលដែលថ្មលីចូម-អ៊ីយ៉ុងត្រូវបានផលិតឡើងតាមបែបប្រពៃណី បានផ្តល់ថាមពលដល់ឧបករណ៍ក្នុងរយៈពេលពីរទសវត្សរ៍ចុងក្រោយនេះ ពួកវាត្រូវបានកំណត់កត្រាជាច្រើន ដោយត្រូវពេលវេលាក្នុងការសាកថាមពលឡើងវិញ, ភាពប្រែប្រួលនៃសីតុណ្ហភាព និងតម្រូវការសម្រាប់ការជំនួស។ ប៉ុន្តែថ្មនុយក្លេអ៊ែរថ្មីនេះ ដំណើរការដោយអ៊ីសូតូបវិទ្យុសកម្ម ផ្លាស់ប្តូរដំណើរការទាំងស្រុង ដោយផ្តល់នូវថាមពលប្រើប្រាស់បានយូរបំផុត គ្មានការថែទាំសម្រាប់ការផ្សាំផ្នែកវេជ្ជសាស្រ្ត ប្រព័ន្ធអវកាស និងគ្រឿងអេឡិចត្រូនិកជំនាន់ក្រោយ។
ថ្មនុយក្លេអ៊ែរថ្មីនេះ វាមានពីរប្រភេទ ដោយមួយជាថ្មនុយក្លេអ៊ែរ BV100 របស់ Betavolt មានអាយុកាល ៥០ ឆ្នាំ និងថ្មនុយក្លេអ៊ែរ Carbon-14 របស់សាកលវិទ្យាល័យ Northwest Normal ដែលមានអាយុកាលរហូតដល់ ១០០ ឆ្នាំ។
ខណៈពេលដែលប្រទេសចិននាំមុខគេក្នុងការច្នៃប្រឌិតទាំងនេះ ប្រទេសផ្សេងទៀតក៏កំពុងអភិវឌ្ឍថ្មនុយក្លេអ៊ែរដោយប្រើប្រាស់អ៊ីសូតូបផ្សេងគ្នា ដូចជា tritium និងកាកសំណល់នុយក្លេអ៊ែរផងដែរ។ គំនិតនៃថ្មនុយក្លេអ៊ែរមានតាំងពីទសវត្សរ៍ឆ្នាំ ១៩៥០ ប៉ុន្តែត្រូវបានកំណត់ដោយកង្វល់អំពីសុវត្ថិភាព និងអាយុកាលប្រើប្រាស់បានយូររហូតដល់មានការបោះជំហានបច្ចេកវិទ្យាថ្មីៗនេះ។
សរុបមក ប្រទេសចិនបានត្រួសត្រាយផ្លូវ និងបោះជំហ៊ានលើបច្ចេកវិទ្យាថ្មនុយក្លេអ៊ែរទំហំប៉ុនកាក់ពីរប្រភេទសំខាន់ៗ គឺថ្ម Betavolt BV100 ដែលដំណើរការដោយអ៊ីសូតូបវិទ្យុសកម្ម Nickel-63 ដែលមានអាយុកាល ៥០ ឆ្នាំ និងថ្ម Carbon-14 ដែលមានអាយុកាលសក្តានុពលរហូតដល់ ១០០ ឆ្នាំ ឬច្រើនជាងនេះ។ ថ្មទាំងពីរនេះសន្យាថានឹងក្លាយជាប្រភពថាមពលដែលមានអាយុកាលប្រើប្រាស់បានយូរអស្ចារ្យ និងមានស្ថិរភាពសម្រាប់កម្មវិធីជាច្រើន ដោយមានសក្តានុពលក្នុងការផ្លាស់ប្តូរបដិវត្តន៍ការផ្ទុកថាមពល និងការប្រើប្រាស់ក្នុងបរិស្ថានធ្ងន់ធ្ងរ និងលើសពីនេះទៅទៀត៕
