ពលរដ្ឋ ៧៩៦គ្រួសារ ក្នុងសង្កាត់ក្របីរៀល ក្រុងសៀមរាប បានទទួលចង្រ្កានបង្កើនថាមពល កាត់បន្ថយការបំពុលបរិស្ថាន

ភ្នំពេញ៖ នៅព្រឹកថ្ងៃទី២៣ ខែមីនា ឆ្នាំ២០២៥ លោក ហ៊រ រិទ្ធានូ អនុប្រធានក្រុមការងារគណបក្សចុះជួយ សង្កាត់ក្របីរៀល តំណាងឯកឧត្តមបណ្ឌិត ហង់ ពៅ អគ្គនាយកអាជ្ញាធរជាតិអប្សរា រួមជាមួយលោក សាខុន ប៉ូរិន ប្រធានបណ្តាញសង្គមស៊ីវិលកម្ពុជា (CCN) និងលោក ឈួន យ៉ែប ចៅសង្កាត់ក្របីរៀល បានអញ្ជើញជាគណៈអធិបតីក្នុងពិធីចែកចង្រ្កានបង្កើនថាមពលព្រៃមាន់ ដែលជាអំណោយរបស់ក្រុមហ៊ុន Guangzhou Iceberg Environmental Consulting Services Co Ltd  ជូនប្រជាពលរដ្ឋចំនួន៧៩៦គ្រួសារ នៅភូមិចំនួន៥ នៃសង្កាត់ក្របីរៀល ក្រុងសៀមរាប  ខេត្តសៀមរាប។

ពិធីប្រគល់ជូនចង្រ្កានថាមពលខាងលើ បានបង្ហាញអំពីការយកចិត្តទុកដាក់របស់ថ្នាក់ដឹកនាំ ចំពោះប្រជាពលរដ្ឋក្នុងមូលដ្ឋាន ក៏ដើម្បីចូលរួមចំណែកកាត់បន្ថយការបំពុលបរិស្ថាន កាត់បន្ថយការប្រើប្រាស់អុសឬធ្យូង ចំណាយថវិកាតិច ចំណេញច្រើន និងជួយសម្រួលដល់ការធ្វើម្ហូបអាហាររបស់ប្រជាពលរដ្ឋផងដែរ ៕