ក្រុមកាងារអាវុធហត្ថខេត្តកំពង់ស្ពឺ នាំយកអំណោយរបស់ឧត្តមសេនីយ៍ត្រី ម៉េង ស្រ៊ុន ចុះសួរសុខទុក្ខអនុសេនីយ៍ឯក ស្វាយ ហុិន ដែលមានជំងឺ កំពុងសម្រាកព្យាបាលនៅគេហដ្ឋាន
ភ្នំពេញ៖ នាថ្ងៃទី ៥ ខែមករា ឆ្នាំ ២០២៥ ដោយបានការអនុញ្ញាតពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ លោក វរសេនីយ៍ទោ សោម ពុទ្ធតារា មេបញ្ជាការ មូលដ្ឋាន កងរាជអាវុធហត្ថ ស្រុកឱរ៉ាល់ បានដឹកនាំក្រុមការងារអាវុធហត្ថ ចុះទៅសួរសុខទុក្ខ លោក អនុសេនីយ៍ ឯក ស្វាយ ហុិន មេបញ្ជាការរង មូលដ្ឋាន កងរាជអាវុធហត្ថ ស្រុកឱរ៉ាល់ ដែលមានជំងឺ រលាកបំពង់កធ្ងន់ធ្ងរ បច្ចុប្បន្ន កំពុងសម្រាកព្យាបាលនៅគេហដ្ឋាន ស្ថិតនៅភូមិវៀតសូ ឃុំខ្ទុំក្រាំង ស្រុក សំរោង ទង ខេត្ត កំពង់ ស្ពឺ ។
ក្នុងឱកាសសួរសុខទុក្ខនោះដែរ លោក វរសេនីយ៍ទោ សោម ពុទ្ធតារា និងក្រុមកាងារអាវុធហត្ថក៏បានពាំនាំនូវការផ្តាំផ្ញើ សួរសុខទុក្ខ ក៏ដូចជាបានយកនូវអំណោយរបស់ លោកឧត្តមសេនីយ៍ត្រី ម៉េង ស្រ៊ុន ប្រគល់ជូន លោក អនុសេនីយ៍ ឯក ស្វាយ ហុិន រួមមាន : ថវិកា ចំនួន ៥០០,០០០រៀល ព្រមទាំងគ្រឿងឧបភោគបរិភោគ ( អង្ករ នាងមុិញ ៥០ គ.ក,ទឹកដោះ គោ ឆៅ ០២ឡូ,ទឹក ភេសជ្ជៈ ០២កេស ,ទឹក បរិសុទ្ធ វីតាល់ ០២កេស ,មីម៉ាម៉ា ០២កេស នឹង ទឹកត្រី ទឹកសុីអុីវ ០២យួរ ផង។
លោក អនុសេនីយ៍ ឯក ស្វាយ ហុិន នឹងក្រុមគ្រួសារ ក៏បានសម្តែងអារម្មណ៍រំភើប សប្បាយយ៉ាងក្រៃលែង ថ្លែងអំណរអរគុណយ៉ាងជ្រាលជ្រៅបំផុត នឹងជួនពរជ័យដល់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងអាវុធហត្ថខេត្តកំពង់ស្ពឺ និងក្រុមគ្រួសារ ព្រមទាំងក្រុមការងារអាវុធហត្ថ សូមអោយមានជន្មាយុយឺនយូរ ជួបប្រទះតែសេចក្តីសុខ សេចក្តីចម្រើន មានសុភមង្គលក្នុងក្រុមគ្រួសារ មានសុខភាពល្អបរិបូរណ៍ និងសូមប្រកបដោយពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
