និយ័តករមូលបត្រកម្ពុជា ជូនដំណឹងពីការកែសម្រួល និងដាក់ឱ្យអនុវត្តគោលការណ៍ណែនាំស្តីពី “ការបែងចែកភាគលាភដល់ភាគហ៊ុនិក សម្រាប់បុគ្គលចុះបញ្ជីលក់មូលបត្រកម្មសិទ្ធិ”
ភ្នំពេញ៖ និយ័តករមូលបត្រកម្ពុជា បានចេញសេចក្តីជូនដំណឹងស្តីពីការកែសម្រួល និងដាក់ឱ្យអនុវត្តគោលការណ៍ណែនាំស្តីពី “ការបែងចែកភាគលាភដល់ភាគហ៊ុនិកសម្រាប់បុគ្គលចុះបញ្ជីលក់មូលបត្រកម្មសិទ្ធិ” ។
និយ័តករមូលបត្រកម្ពុជា (ន.ម.ក.) មានកិត្តិយសសូមជម្រាបជូនដំណឹងដល់បុគ្គលចុះបញ្ជីលក់មូលបត្រ និងបុគ្គលពាក់ព័ន្ធ ជ្រាបថា៖ ដើម្បីជួយសម្រួលដល់បុគ្គលចុះបញ្ជីលក់មូលបត្រកម្មសិទ្ធិ និងបុគ្គលពាក់ព័ន្ធ ក្នុងការអនុវត្តនូវអភិបាលកិច្ចសាជីវកម្ម ពាក់ព័ន្ធនឹងការបែងចែកភាគលាភដល់ភាគហ៊ុនិកឱ្យស្របតាមបទប្បញ្ញត្តិ ជាធរមាន ន.ម.ក. សម្រេចកែសម្រួលគោលការណ៍ណែនាំលេខ ០០៦/២១ ន.ម.ក.គ.ណ.ន. ស្តីពីការបែងចែក ភាគលាភដល់ភាគហ៊ុនិកសម្រាប់បុគ្គលចុះបញ្ជីលក់មូលបត្រកម្មសិទ្ធិ ចុះថ្ងៃទី៨ ខែមេសា គ.ស.២០២១ ជំនួសទាំងស្រុងដោយគោលការណ៍ណែនាំលេខ ០៦៨/២៤ ន.ម.ក./គ.ណ.ន. ស្តីពីការបែងចែកភាគលាភ ដល់ភាគហ៊ុនិកសម្រាប់បុគ្គលចុះបញ្ជីលក់មូលបត្រកម្មសិទ្ធិ ចុះថ្ងៃទី២៦ ខែវិច្ឆិកា គ.ស.២០២៤។
អាស្រ័យហេតុនេះ សូម ឯកឧត្តម លោកជំទាវលោក/លោកស្រី ជាប្រធានក្រុមប្រឹក្សាភិបាល/អគ្គនាយក និងនាយកប្រតិបត្តិនៃបុគ្គលចុះបញ្ជីលក់មូលបត្រ និងបុគ្គលពាក់ព័ន្ធ ជ្រាប និងអនុវត្តនូវយន្តការ និងនីតិវិធី ដូចដែលមានចែងនៅក្នុងគោលការណ៍ណែនាំខាងលើប្រកបដោយប្រសិទ្ធភាពខ្ពស់ ៕
