មនុស្ស១០នាក់ស្លាប់ និង១៧នាក់បាត់ខ្លួន នៅភាគនិរតីនៃប្រទេសចិន ដោយសារទឹកជំនន់ និងការរអិលបាក់ដី
បរទេស៖ មនុស្សចំនួន ១០នាក់បានស្លាប់ និង ១៧នាក់ផ្សេងទៀតនៅតែបាត់ខ្លួនគិតត្រឹមម៉ោង២រសៀលកាលពីម្សិលមិញ។ អាជ្ញាធរក្នុងតំបន់បានឲ្យដឹងថា កាលពីថ្ងៃចន្ទ បន្ទាប់ពីទឹកជំនន់ភ្លាមៗ និងការរអិលបាក់ដីបានវាយប្រហារទីក្រុង Kangding ក្នុងខេត្ត Sichuan ភាគនិរតីនៃប្រទេសចិនកាលពីថ្ងៃសៅរ៍។
គ្រោះមហន្តរាយបានកើតឡើងនៅម៉ោងប្រហែល៣និង៣០នាទីទៀបភ្លឺថ្ងៃសៅរ៍នៅ Kangding ខេត្តស្វយ័តទីបេនៃ Garze ដោយបានដួលរលំស្ពានផ្លូវរូងក្រោមដីនិងបំផ្លាញផ្ទះនៅក្នុងភូមិ Ridi។
ការបាក់ស្ពាននេះ បានបណ្តាលឲ្យរថយន្តចំនួន ៤គ្រឿង មានមនុស្សចំនួន ១១នាក់ បានធ្លាក់ក្នុងនោះ មានមនុស្ស៣នាក់ ត្រូវបានបញ្ជាក់ថា បានស្លាប់បាត់បង់ជីវិត ម្នាក់ត្រូវបានជួយសង្គ្រោះ និង ៧នាក់ទៀតកំពុងបាត់ខ្លួន។ នៅភូមិរីឌី អ្នកភូមិ៧នាក់បានស្លាប់ និង១០នាក់នៅបាត់ខ្លួន។
កិច្ចខិតខំប្រឹងប្រែងជួយសង្គ្រោះ និងស្វែងរកនៅតែកំពុងបន្ត ដោយមានអ្នកជួយសង្គ្រោះចំនួន ១,៦៩៨នាក់ និងឧបករណ៍ជាង ៤០០គ្រឿង រួមទាំងឧទ្ធម្ភាគចក្រ យន្តហោះគ្មានមនុស្សបើក គ្រឿងជីក និងរថយន្តទំនាក់ទំនងត្រូវបានចល័តទៅកាន់ជួរមុខ។
ភូមិនេះស្ថិតនៅក្នុងជ្រលងភ្នំដែលមានកម្ពស់ ១៣០០ម៉ែត្រពីលើនីវ៉ូទឹកសមុទ្រ ខណៈភ្នំនៅក្បែរនោះមានកម្ពស់ជាង ៥០០០ម៉ែត្រពីលើនីវ៉ូទឹកសមុទ្រ។
